Nebit gymmatlamagyny dowam edýär, Brent 117 dollardan ýokarda, WTI – 2011-nji ýyldan bäri iň ýokary derejesinde
09:59 04.03.2022 12815
Penşenbe güni nebitiň bahalary ýokarlanmagyny dowam etdi.
Iri daşary ýurtly satyn alyjylar Ukraina bilen bagly ýagdaý zerarly rus nebitiniň satyn alynmagyny böwetläp, satyn almak üçin alternatiw çeşmeleri gözleýärler. Bu bolsa, öz gezeginde, bahalaryň has-da ýokarlanmagyna täsir eder diýip, Interfaks belleýär.
Brent nebitiniň maýdaky fýuçersleriniň bahasy Londonyň ICE Futures biržasynda penşenbe güni 117,26 dollara deň boldy, bu bolsa deslapky gündäkiden 3,83% (4,33 dollar) ýokarydyr.
WTI-niň apreldäki fýuçersleriniň bahasy Nýu-Ýorkdaky elektron söwdalar biržasynda 114,45 dollara deň boldy. Bu deslapky söwda gününden 3,48% (3,85 dollar) ýokarydyr.
Halkara energetika agentliginiň strategiki ätiýaçlyklaryndan 60 mln barrel nebit çykarmagy bazaryň howatyrlanmasyny ýatyryp bilmedi.
«Bazaryň nebit ibermeleriniň aşa ýetmezçiligine sezewar bolup bilmek howpy güýçli – diýip, Seulda Samsung Futures Inc.-iň çig mal toplumy boýunça analitigi Kim Kwangrae belleýär. — Eger-de, Ukraina bilen bagly ýagdaýlar ýaramazlaşsa, nebit bahalarynyň oýnap durmagy dowam eder».
Şol bir wagtda OPEC+ ýurtlary nebit önümçiliginiň depgini artdyrmagy meýilleşdirmeýärler. Çarşenbe güni olar aprelde nebit öndürmek boýunça meýilnamalaryny 400 müň b/g artdyrmak meýlini saklap galmagy karar etdiler.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.