«Daşoguzgazüpjünçilik» «mawy ýangyjyň» netijeli ulanylmagyny üpjün edýär
09:14 05.02.2022 6008
«Daşoguzgazüpjünçilik» müdirliginiň gazçylary ýurdumyzyň demirgazyk welaýatynyň sarp edijileriniň ygtybarly hem üznüksiz gaz üpjünçiligini dowam edýärler. Ýokary hünär taýýarlykly hünärmenler ýyladyş möwsüminde welaýatyň gaz paýlaýjy ulgamynyň durnukly hereket etmegini üpjün edýärler.
Daşoguz welaýatynyň çetki nokatlarynyň ilaty hem suwuklandyrylan gaz bilen durnukly üpjün edilýär.
Müdirligiň gaz hojalyk kärhanalary umumy uzynlygy 12 müň 996 km bolan dürli basyşdaky gaz torlarynyň ulanylyşyny amala aşyrýarlar, her günde 4 müň 860 sany gaz paýlaýjy we gaz sazlaýjy enjamlaryň bökdençsiz işlemegini üpjün edýärler.
Gaz üpjünçiliginiň durnukly işlemegi üçin müdirligiň ýanynda dürli görnüşli näsazlyklary aradan aýyrmak we öňüni almak boýunça gije-gündizleýin dispetçerlik nokatlary hereket edýär. Olar zerur bolan ulag serişdeleri we köp ýyllyk iş tejribesi bolan hünärmenleri bilen üpjün edilýär.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.