«Türkmengaz» DK Merkezi Aziýa ýurtlarynyň we Ýaponiýanyň kompaniýalarynyň onlaýn-sergisine gatnaşýar
09:17 05.02.2022 13491
2022-nji ýylyň 17-nji ýanwaryndan 4-nji marty aralygynda geçirilýän «Merkezi Aziýa — Wirtual EXPO» (CAVEX II) Ikinji onlaýn sergisinda ýigrimi sany türkmen kompaniýasy öz önümçiligini hödürledi. Sergä gatnaşyjylaryň hatarynda «Türkmengaz» döwlet konserni bar.
Wirtual gözden geçirişi guramaçy bolup Russiýa we täze garaşsyz döwletler bilen söwda boýunça Ýapon assosiasiýasy Ýaponiýanyň ykdysadyýet, söwda we senagat ministrliginiň goldaw bermeginde çykyş edýär.
Serginiň çäklerinde ýapon kompaniýalary bilen bilelikde maýa goýum webinarlary, pikir alyşmalary we işewür ugurlarda dürli çäreler geçirilýär. Şeýle hem Merkezi Aziýa ýurtlarynyň milli günleri guralýar.
Türkmenistanyň günleri 14-18-nji fewral aralygynda geçirilýär. Onuň çäklerinde «Ýaponiýa bilen Tüürkmenistanyň arasyndaky söwda we maýa goýum gatnaşyklaryny mundan beýläk hem ösdürmegiň mümkinçilikleri» atly onlaýn maslahat, «Ýaponiýa üçin CAVEX II-ä gatnaşýan türkmen kärhanalarynyň prezentasiýasy» webinary we Türkmenistanyň üç sany kärhanasyna wirtual syýahat etmek meýilleşdirildi.
Umuman, sergide Türkmenistana 5 sany döwlet düzümi wekilçilik edýär. Olaryň hatarynda «Türkmengaz» döwlet konserni we 15 sany hususy kompaniýa we hususy telekeçiler bar. Sergä gatnaşyjylar kontentlerini CAVEX-e gatnaşyjylaryň ählisi üçin elýeterli bolan milli sanly diwarlykda ýerleşdirdiler.
Onlaýn sergi bilen tanyşmak üçin şu salga girmeli - https://www.cavex2.rotobo.or.jp/ru/
Türkmenistandan gatnaşyjylar şu salgydan elýeterlidir -https://www.cavex2.rotobo.or.jp/ru/turkmenistan/
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.