Westport Trading Europe Limited TNGIZT-de haýalladylan kokslama üçin desgalar toplumyny gurýar
05:43 26.08.2020 8546
ABŞ-nyň Westport Trading Europe Limited (WTL) kompaniýasy TNGIZT-niň çäginde haýalladylan kokslama we gudrony deasfaltlaýjy desgalar toplumyny gurýar. Umumy bahasy 120 mln ýewro bolan taslamany durmuşa geçirmek işi 2019-njy ýylyň ahyrynda başlandy. Gurluşygy 2022-nji ýylda tamamlamaklyk meýilleşdirilýär.
Häzirki wagtda işler ýokary depginde alnyp barylýar. Döwrebap ýokary tehnologik enjamlaryň çekilmegi, önümçilik prosesleriniň işjeňleşdirilmegi, maliýeleşdirmekligiň netijeli usuly, şeýle hem zähmet bölünişiginiň sowatly paýlanylmagy muňa aýdyň şaýatlyk edýär.
Haýalladylan kokslama boýunça täze desganyň ulanyşa girizilmegi her ýylda 900 müň tonna çig mal almaklygy üpjün eder. Gudrony deasfaltlama boýunça enjamyň ýyllyk öndürijiligi 500 müň tonna möçberinde meýilleşdirildi.
WTL kompaniýasy şeýle hem Seýdiniň nebiti gaýtadan işleýän zawodynda kuwwatlylygy bir million tonna kuwwatlykly «ЭЛОУ-АТ» elektroduzlaşdyrma blokly nebiti atmosfera daşaýjy täze desgany «açary gowşurmak» şerti bilen gurmak boýunça bäsleşikde hem ýeňiş gazandy.
Täze desganyň işe girizilmegi bilen Türkmenbaşynyň nebiti gaýtadan işleýän zawodlar toplumy nebit koksynyň, benziniň, suwuklandyrylan gazyň we ýokary hilli ýol bitumynyň önümçiligini artdyrar.
Türkiýe 2023-nji ýyldan öz tebigy gazyny ulanyp başlar
2023-nji ýylyň mart aýyndan başlap, Türkiýe öz tebigy gazyny ulanyp başlamagy meýilleşdirýär. Bu barada Türkiýäniň energetika we tebigy serişdeler ministri Fatih Dönmez beýan etdi diýip, Trend habar berýär.
Türkmenistanyň ýangyç-energetika toplumyna maýa goýumlary çekmek boýunça Dubaýda Halkara roud-şou üçin hasaba almaklyk açyldy
«Türkmenistanyň energetika toplumyna daşary ýurt maýa goýumlaryny çekmek boýunça Halkara roud-şou» üçin hasaba almaklyk açyldy diýip, 26-27-nji aprelde Dubaýda geçiriljek çäräniň guramaçylary habar berdiler. Forumy gurnaýjylaryň hatarynda «Türkmengaz» we «Türkmennebit» döwlet konsernleri, şeýle hem «Türkmengeologiýa» döwlet korporasiýasy GaffneyCline britan kompaniýasynyň goldamagynda «Turkmen Forum» HJ bilen hyzmatdaşlykda çykyş edýärler.
Türkmenistanyň Prezidenti Ýaşlyk suw arassalaýjy desgasynyň açylyş dabarasyna gatnaşdy
8-nji maýda Prezident Serdar Berdimuhamedow Ahal welaýatyndaky kuwwatlylygy bir gije-gündizde 30 müň kub metr bolan Ýaşlyk suw arassalaýjy desgasynyň açylyş dabaralaryna gatnaşdy diýip, TDH habar berýär.
Daşary ýurt Liderleri Prezident Serdar Berdimuhamedowy doglan güni bilen gutladylar
Çarşenbe güni, 22-nji sentýabrda ençeme daşary ýurtlaryň Liderleri Prezident Serdar Berdimuhamedowy doglan güni bilen gutladylar we dürli ugurlar boýunça Türkmenistan bilen hyzmatdaşlygy dowam etmäge taýýardyklaryny nygtadylar.
TEIF 2025 halkara forumyna 42 döwletden 470 wekil gatnaşar
Çarşenbe güni, 23-nji aprelde Malaýziýanyň paýtagty Kuala-Lumpur şäherinde Türkmenistanyň halkara maýa goýum forumy – TEIF 2025 öz işine başlaýar. Bu iri möçberli çäräniň guramaçylary hökmünde «Türkmengaz» we «Türkmennebit» döwlet konsernleri, şeýle-de Türkmenistanyň Söwda-senagat edarasy çykyş edýär. Forum «Turkmen Energy Forum» HJ-niň goldawynda geçirilýär.