Gyýanly polimer zawodynyň önümleri içerki hem daşarky bazarlarda uly islegden peýdalanýar
09:12 13.10.2021 23992
Gyýanlydaky polimer gazhimiýa toplumynda öndürilýän önümler «Bagtyýar gurluşyk» hojalyk jemgyýetiniň işgärleriniň ýakynda özleşdiren polipropilen sapaklarynyň önümçiligi üçin esasy çig mal boldy.
Sapaklaryň önümçiligi Ahal welaýatynyň Ak bugdaý etrabynda ýerleşen, Türkmenistanyň Senagatçylar we telekeçiler birleşmesiniň senagat zolagynda açyldy. Bu ýerde dünýä ülňülerine jogap berýän dürli sapaklaryň birnäçe görnüşi öndürilýär. Kärhana tarapyndan satyn alnan öňdebaryjy Ýewropa enjamlary her gündde 22 tonna ýokary hilli propilen sapaklaryny öndürmäge niýetlenendir. Iň täze enjamlara ýaş hünärmenler erk edýärler.
Propilen sapaklary halylary we haly önümlerini taýýarlamakda ulanylýar, bu öz gezeginde olara berklik berýär we olaryň teňkini hem-de görnüşini uzak wagtlap saklamaga mümkinçilik berýär. Bu aýratynlyklary sapaklara bolan uly islegi şertlendirýär. Şonuň üçin «Bagtyýar gurluşyk» HJ eksport ibermelerini ýola goýmak üçin daşary ýurtly hyzmatdaşlar bilen gepleşikleri geçirýär. Öndürilen önümiň ilkinji tapgyryny Türkiýä ibermek meýilleşdirilýär.
Bu ýerli kärhanalaryň döwrebap tehnologiýalaryň we iň täze tehnikalaryň esasynda täze önümçilikleri döredip, diňe bir içerki bazarda däl, eýsem, önümlerini daşary bazarlara hem çykarmak üçin işewür gatnaşyklary ýola goýmagyň mysallarynyň biridir.
Belläp geçsek, Gyýanly polimer zawodynda tebigy gazdan öndürilýän polietilen we polipropilen içerki bazarlarda bolşy ýaly, daşary ýurtlarda hem uly islegden peýdalanýar. Muňa TDHÇMB-niň söwdalaryndaky eksport satyn alyşlary şaýatlyk edýär.
Häzirki wagtda Türkmenistanda ýerli polietilenden we polipropilenden turbalaryň, plastik gaplaryň, oýnawaçlaryň, halylar dokalýan dokma sapaklary, tanaplar, gaplaýjylar we beýleki önümler öndürilýär.
«Türkmengaz» döwlet konserni daşary ýurtly kompaniýalar bilen hyzmatdaşlykda 2018-nji ýylyň oktýabrynda Gyýanly gazhimiýa toplumyny ulanyşa girizdi. Zawodyň önümçilik kuwwaty ýylda 5 mlrd kub metr tebigy gazy gaýtadan işlemäge we 386 müň tonna ýokary dykyzlykdaky polietilen we 81 müň tonna polipropilen öndürmäge mümkinçilik berýär.
Şol bir wagtyň özünde, bu önümleri öndürmek üçin tebigy gazyň düzüminden etan we propan bölünip alnandan soň, galan 4,5 mlrd kub metr harytlyk gaz gaz geçiriji ulgamlara iberilýär.
«Türkmenenergo» korporasiýasy Türkmenistanyň aýry-aýry etraplarynda Gün elektrostansiýalaryny gurar
«Türkmenenergo» energetika korporasiýasy Türkmenistanyň uzakdaky ilatly nokatlarynda umumy kuwwatlylygy başlangyç tapgyrda 6 MWt-dan köp bolan Gün elektrik beketlerini gurmagy meýilleşdirýär. Bu barada «Türkmenenergo» korporasiýasynyň energiýanyň dikeldilýän çeşmelerini ösdürmek gullugynyň başlygy Döwlet Allaýarow penşenbe güni Aşgabatda geçirilen «Energetiki nukdaýnazarlar we uglewodorod ýataklaryny özleşdirmegiň täze tehnologiýalary» atly halkara ylmy-amaly maslahatynda belledi.
TEIF 2025 energetika, maýa goýumlar we tehnologiýa hyzmatdaşlygy üçin täze gözýetimleri açar
Türkmenistan ykdysady diplomatiýanyň täze derejesine çykýar. 2025-nji ýylyň 23–24-nji aprelinde Kuala-Lumpur şäherindäki häzirki zaman KLCC maslahatlar merkezinde geçiriljek TEIF 2025 halkara forumy energetika, durnukly ösüş we halkara hyzmatdaşlyk ugurlarynda ýylyň esasy wakalarynyň biri bolmagyna garaşylýar.
Arkadag şäherinde YHG-nyň durnukly ösüş boýunça ministrler derejesindäki birinji forumy geçiriler
Şu ýylyň aprel aýynda Arkadag şäherinde Ykdysady Hyzmatdaşlyk Guramasynyň (YHG) durnukly ösüş boýunça ministrler derejesindäki birinji forumy geçiriler.
Aşgabatda halkara söwda we hil üpjünçiligi boýunça sergi hem-de maslahat geçiriler
29-njy aprel — 1-nji maý aralygynda Söwda-senagat edarasynda «Halkara söwda we hyzmatlar» atly sergi-ýarmarkany hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler.
Nebitgaz senagatyny ösdürmegiň täze tapgyry badalga alýar
8-nji fewralda hormatly Prezidentimiz Gurbanguly Berdimuhamedowyň sanly ulgam arkaly Ministrler Kabinetiniň Başlygynyň käbir orunbasarlarynyň hem-de welaýatlaryň häkimleriniň gatnaşmagynda geçiren iş maslahatynyň dowamynda Garaşsyz döwletimizi ykdysady taýdan mundan beýläk-de ösdürmek we ilatyň durmuş hal-ýagdaýyny has-da ýokarlandyrmak babatda öňde durýan wezipeler ara alnyp maslahatlaşyldy.