«Marygazüpjünçilik» müdirligi gaz torlaryny güýz-gyş möwsümine taýýarlaýarlar
15:26 17.08.2021 6098
«Marygazüpjünçilik» müdirliginiň işgärleri güýz-gyş möwsüminde bökdençsiz hem-de ygtybarly gaz üpjünçiligi üçin möhüm çäreleri bölekleýin ýerine ýetirdiler we bu ugurdaky işleri yzygiderli dowam edýärler.
Häzirki wagtda «Murgapetrapgaz» gaz hojalyk kärhanasynyň hünärmenleri umumy uzynlygy 1152 km 391 m bolan ýokary we orta basyşly gaz turbalaryna hyzmat edýärler. 93 sany gaz paýlaýyş desgalarynda we 551 sany gaz sazlaýjy enjamlarda toplumlaýyn barlag işleri geçirilýär.
Gazçylaryň esasy wezipesi — etrabyň sarp edijilerine bökdençsiz we üznüksiz gaz iberilmegini üpjün etmek. Sowuk möwsümde näsazlyklaryň we gaz üpjünçiliginiň kesilmeginiň öňüni almak üçin kärhananyň hünärmenleri gaz ulgamlaryna we desgalaryna yzygiderli gözegçilik edýärler we olary abatlaýarlar.
Şu günlerde «Türkmengazüpjünçilik» birleşiginiň Mary welaýatyny gazlaşdyrmak müdirliginiň gurluşykçylary we gurnaýjylary G.Sähetmyradow adyndaky geňeşligiň obalaryna çenli çekilen uzynlygy 3300 metr bolan ýokary absyşly gaz geçirijileriniň möçberleriniň giňeltmek boýunça netijeli işleri ýerine ýetirýärler. Şu güne çenli gaz geçirijisiniň 1410 metr böleginde gurluşyk we gurnama işleri eýýäm tamamlandy.
Mundan başga-da, Sugty geňeşliginiň täze ilatly nokatlaryna uzynlygy 2600 metr bolan orta basyşly gaz geçirijisi çekildi, üç sany gaz sazlaýjy enjam ulanyşa berildi. H.Jumaýew adyndaky geňeşligiň täze ilatly nokatlaryň ýaşaýjylary üçin 1 km uzynlykdaky orta basyşly gaz geçirijisi çekildi, bir sany gaz sazlaýjy enjam gurlup, ulanyşa berildi.
Etrabyň çäginde 32 müňden gowrak hususy hojalyk, 74 sany kärhana we edaralar ýerleşip, olar ýylyň dowamynda «mawy ýangyç» bilen üznüksiz üpjün edilýär.
Gazçylar tarapyndan ýerine ýetirilen işler gazpaýlaýjy desgalaryň kadaly işlemegini üpjün eder we geljekki ýyladyş möwsüminde sarp edijileriň gaz üpjünçiliginiň ygtybarlylygyny ýokarlandyrar.
«Türkmenenergo» korporasiýasy Türkmenistanyň aýry-aýry etraplarynda Gün elektrostansiýalaryny gurar
«Türkmenenergo» energetika korporasiýasy Türkmenistanyň uzakdaky ilatly nokatlarynda umumy kuwwatlylygy başlangyç tapgyrda 6 MWt-dan köp bolan Gün elektrik beketlerini gurmagy meýilleşdirýär. Bu barada «Türkmenenergo» korporasiýasynyň energiýanyň dikeldilýän çeşmelerini ösdürmek gullugynyň başlygy Döwlet Allaýarow penşenbe güni Aşgabatda geçirilen «Energetiki nukdaýnazarlar we uglewodorod ýataklaryny özleşdirmegiň täze tehnologiýalary» atly halkara ylmy-amaly maslahatynda belledi.
TEIF 2025 energetika, maýa goýumlar we tehnologiýa hyzmatdaşlygy üçin täze gözýetimleri açar
Türkmenistan ykdysady diplomatiýanyň täze derejesine çykýar. 2025-nji ýylyň 23–24-nji aprelinde Kuala-Lumpur şäherindäki häzirki zaman KLCC maslahatlar merkezinde geçiriljek TEIF 2025 halkara forumy energetika, durnukly ösüş we halkara hyzmatdaşlyk ugurlarynda ýylyň esasy wakalarynyň biri bolmagyna garaşylýar.
Arkadag şäherinde YHG-nyň durnukly ösüş boýunça ministrler derejesindäki birinji forumy geçiriler
Şu ýylyň aprel aýynda Arkadag şäherinde Ykdysady Hyzmatdaşlyk Guramasynyň (YHG) durnukly ösüş boýunça ministrler derejesindäki birinji forumy geçiriler.
Aşgabatda halkara söwda we hil üpjünçiligi boýunça sergi hem-de maslahat geçiriler
29-njy aprel — 1-nji maý aralygynda Söwda-senagat edarasynda «Halkara söwda we hyzmatlar» atly sergi-ýarmarkany hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler.
Nebitgaz senagatyny ösdürmegiň täze tapgyry badalga alýar
8-nji fewralda hormatly Prezidentimiz Gurbanguly Berdimuhamedowyň sanly ulgam arkaly Ministrler Kabinetiniň Başlygynyň käbir orunbasarlarynyň hem-de welaýatlaryň häkimleriniň gatnaşmagynda geçiren iş maslahatynyň dowamynda Garaşsyz döwletimizi ykdysady taýdan mundan beýläk-de ösdürmek we ilatyň durmuş hal-ýagdaýyny has-da ýokarlandyrmak babatda öňde durýan wezipeler ara alnyp maslahatlaşyldy.