ARKADAGYŇ BAGT ŞÄHERI, AŞGABAT
11:23 30.04.2021 3753
(Ýaşlar guramasynyň bäsleşigine)
Bu gün ak şäherimiz Aşgabadyň ajaýyp keşbi, gaýtalanmajak gözelligi, ykdysadyýetde, ylym-bilim, saglygy goraýyş, aragatnaşyk, medeniýet ulgamlarynda we beýleki ugurlarda ýeten belent derejeleri halkymyzyň baş şäherimize buýsanjyny has-da artdyryp, ýeneki üstünliklere ruhlandyrýar. Aşgabat — Watanymyzyň ýüregi. Onda döwlet we jemgyýetçilik durmuşyna dahylly taryhy çözgütler kabul edilýär, il-ýurt bähbitli beýik işler amala aşyrylýar. Aşgabat — ýurdumyzyň ýüzi. Diýarymyza gelen wekiliýetler, syýahatçylardyr myhmanlar paýtagt şäherimize seredip, tutuş ýurdumyzyň ösüş-özgerişlerine baha berýärler. Şoňa görä-de, Ginnesiň rekordlar kitabyna täsin desgalarynyň 11-si bilen giren Aşgabat 2013-nji ýylda dünýäde ak mermerli binalaryň iň köp jemlenen şäheri hökmünde onuň sahypalaryndan orun aldy. Munuň özi, ozaly bilen, zamanamyzyň beýik arhitektory, hormatly Prezidentimiziň paýtagtymyzy ösdürmek boýunça alyp barýan giň gerimli işleriniň dünýä derejeli ykrarydyr, ýurdumyzyň paýtagtynyň gaýtalanmajak gözelliklerine berlen ýokary bahadyr.
Baş şäherimizi ösdürmegiň maksatnamasyna laýyklykda, ýylyň-ýylyna ähli amatlyklary bolan ýaşaýyş jaý toplumlarynyň açylyp, ulanylmaga berilmegi indi asylly däbe öwrüldi. Paýtagtymyzyň 140 ýyllygynyň hormatyna açylmagy meýilleşdirilýän desgalar bolsa Aşgabadyň görküne has-da görk goşup, onuň binagärlik keşbiniň üstüni ýetirer. Şunda täze gurulýan binalaryň gurluşygynda ýokary hilli we ekologiýa talaplaryna laýyk gelýän gurluşyk serişdeleriniň ulanylmagy, olarda milli binagärlik ýörelgeleri bilen häzirki zamanyň ösen tejribeleriniň utgaşdyrylmagy möhüm talap bolup durýar. Şoňa görä-de, şähergurluşyk taslamalarynda paýtagtymyzyň ilatynyň döredijilikli işlemegi, amatly dynç almagy, sport bilen meşgullanmagy üçin ähli zerur şertler göz öňünde tutulýar. Bularyň ählisi Watanymyzyň ýüregi bolan Aşgabadyň mundan beýläk-de sazlaşykly ösdürilmeginde uly ähmiýete eýedir.
Dünýägözel ÇARYÝEWA,
Ýagşygeldi Kakaýew adyndaky Halkara nebit we gaz
uniwersitetiniň mugallymy.
Surata düşüren Dörtguly MYRATGULYÝEW.
Arkalaşykly işiň miwesi
«Türkmengaz» döwlet konserniniň iri önümçilik düzümleriniň biri bolan «Marygazçykaryş» müdirliginiň gazçylary gaz känlerinden uglewodorod çig malyny çykarmak, tebigy gazy gaýtadan işläp, içerki hem-de daşarky sarp edijilere ýetirmek boýunça «Garaşsyz, baky Bitarap Türkmenistan — bedew batly at-myradyň mekany» diýen şygar bilen atlandyrylan 2026-njy ýylyň her bir iş gününi zähmet üstünliklerine besleýärler.
Nebitçilere talabalaýyk hyzmat edilýär
«Türkmennebit» döwlet konserniniň «Nebitgazburawlaýyş» trestiniň düzümine girýän Balkanabat tilsimat ulaglary müdirligi nebitçileriň ýakyn ýardamçysy hasaplanýar. Bu kärhananyň esasy wezipesi nebitçileri gündelik önümçilik meýdançalaryna gatnatmak, baýlyklar känlerini özleşdirmekde zerur bolan enjamlarydyr turbalary bellenilen ýerlere eltmek ýaly gaýragoýulmasyz işler bolup durýar.
Suw desgasynyň hyzmaty
«Türkmengaz» döwlet konserniniň iri önümçilik düzümleriniň biri bolan «Marygazçykaryş» müdirligi boýunça gaz känlerinden tebigy gazy çykarmak, önümi harytlyk derejesine ýetirip, sarp edijilere ugratmak boýunça öňde goýulýan meýilnamalaýyn tabşyryklar gazçylar tarapyndan üstünlikli berjaý edilýär. Gazanylýan üstünliklerde müdirligiň hyzmat ediş kärhanalarynyň işgärleriniň hem mynasyp paýy bar. Kärhananyň durmuş taýdan dolandyryş edarasynyň suw, bug üpjünçilik sehiniň suw arassalaýjy desgalarynyň işgärleriniň gazçylara hyzmat etmekdäki alyp barýan işleri-de bellärliklidir.
Türkmenistan oňyn başlangyçlaryny adamzadyň bähbidine işjeň ilerledýär
Eziz Watanymyz hormatly Prezidentimiz Serdar Berdimuhamedowyň baştutanlygynda häzirki döwrüň global meselelerini çözmekde öňdäki hatara çykmak bilen, giň gerimli başlangyçlaryny işjeň ilerledýär. Adamzada uly peýda getirjek şol oňyn başlangyçlaryň hatarynda energetika howpsuzlygyny üpjün etmek, energiýa serişdeleriniň iberilmegini diwersifikasiýa ýoly bilen ösdürmek, howanyň üýtgemegi bilen bagly meseleleri çözmek, Durnukly ösüşiň maksatlaryna ýetmek üçin innowasiýalary ornaşdyrmak we peýdalanmak ýaly başlangyçlar bar.
Täze guýy üstünlikli burawlanyldy
Berkarar döwletiň täze eýýamynyň Galkynyşy döwründe milli ykdysadyýetimiziň daýanç sütünleriniň biri bolan nebitgaz senagatyny ösdürmek döwlet syýasatynyň ileri tutulýan ugurlarynyň hatarynda durýar.