Türkiýe, Azerbaýjan we Türkmenistan sammiti 2021-nji ýylda geçiriler
16:16 26.02.2021 7251
Azerbaýjan, Türkiýe we Türkmenistan üç ýurduň gatnaşmagynda geçiriljek sammitiň netijeleri boýunça birnäçe ylalaşyklara gol çekmegi meýilleşdirýär, diýip Türkiýäniň daşary işler ministri Mewlüt Çawuşoglu azerbaýjan hem-de türkmen kärdeşleri Jeýhun Baýramow we Raşid Merdow bilen 24-nji fewralda Ankarada geçiren duşuşygynyň jemleri boýunça žurnalistlere aýtdy. Bu barada Interfaks Azerbaýjan habar berýär.
«Şu ýylda Türkmenistanda Azerbaýjanyň, Türkiýäniň we Türkmenistanyň Prezidentleriniň duşuşygy geçiriler. Sammitiň barşynda biz birnäçe ylalaşyklara gol çekmegi meýilleşdirýäris. Şunuň bilen baglylykda, sammitiň anyk netijeler bilen tamamlanmagy üçin resminamalary ylalaşmak işini tizleşdirmek isleýäris» - diýip Çawuşoglu belledi.
Onuň şeýle hem belleýşi ýaly, üç ýurduň DIM-niň ýolbaşçylarynyň geçiren duşuşygynyň barşynda geljek bilen baglylykda birnäçe möhüm garaýyşlar we teklipler ara alnyp maslahatlaşyldy. «Indi biziň hünärmenlerimiz ileri tutulmagy boýunça şol teklipleriň sanawyny düzerler we şolardan durmuşa geçirip boljaklaryny bahalandyrarys» diýip ministr aýtdy.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.