Möhüm wakalara bagyşlandy
09:10 28.04.2026 757
«Türkmengeologiýa» döwlet korporasiýasynyň Merkezi önümçilik barlaghanasynda «Şa gadamy düşen ýerler gülleýär» atly maslahat geçirildi. Oňa milli ykdysadyýetimiziň bu möhüm pudagynyň zähmetkeşleri gatnaşdylar.
Çykyşlarda aýdylyşy ýaly, ýakynda Arkadagly Gahryman Serdarymyzyň gatnaşmagynda Mary welaýatynyň Ýolöten etrabynyň Ymambaba geňeşliginiň çäginde geçirilen täze, döwrebap şäherçäniň düýbüni tutmak dabarasy «Garaşsyz, baky Bitarap Türkmenistan — bedew batly at-myradyň mekany» ýylynyň möhüm wakalarynyň biri boldy.
Maslahatda ýurdumyzyň ilatynyň ýaşaýyş şertlerini ýokarlandyrmaklyga gönükdirilen şunuň ýaly möhüm wakalaryň adamlaryň ruhuny galkyndyrýandygy, Ýolöten etrabynda täze, döwrebap şäherçäniň düýbüniň tutulmagynyň hem halkymyzyň abadan durmuşy baradaky aladanyň aýdyň güwäsidigi aýratyn nygtalyp geçildi.
* * *
«Türkmengaz» DK-nyň Ylmy-barlag tebigy gaz institutynda (YBTGI) «Dost-doganlyk ýörelge — dünýä nusga, görelde» atly şygar bilen maslahat geçirildi.
Maslahatda çykyş edenleriň nygtaýşy ýaly, Gahryman Arkadagymyzyň Awstriýa sapary ikitaraplaýyn gatnaşyklaryň taryhynda täze sahypany açyp, halkara giňişliginde ygtybarly hyzmatdaş hökmünde Türkmenistanyň eýeleýän ornuny tassyklady. Awstriýa Respublikasy bilen özara hormat goýmak we ynanyşmak ýörelgelerine esaslanýan gatnaşyklaryň pugtalandyrylmagy uzakmöhletli we özara bähbitli taslamalary durmuşa geçirmek üçin berk binýat döredýär.
BMG-niň Baş Assambleýasynda Türkmenistan energetika ulgamynda başlangyçlar bilen çykyş eder
Birnäçe hepdeden Nýu-Ýorkda öz işine başlajak Birleşen Milletler Guramasynyň Baş Assambleýasynyň 77-nji mejlisinde Türkmenistan birnäçe başlagyçlary, şol sanda energetika ulgmamynda başlangyçlary öňe sürer. Bu barada Türkmenistanyň Daşary işler ministrligi habar berýär.
HHR-iň kompaniýalaryna Türkmenistanyň maýa goýum mümçilikleri tanyşdyryldy
Pekinde Türkmenistanyň Hytaý Halk Respublikasyndaky ilçihanasynyň we Hytaýyň kärhanalary daşary ýurtlarda ösdürmek boýunça assosiasiýasynyň bilelikde guramaklarynda “Halkara parahatçylyk we ynanyşmak ýyly: Türkmenistana maýa goýumlaryny çekmek boýunça maslahat” atly işewürlik forumy geçirildi diýip, Türkmenistanyň DIM-nde habar berdiler.
Birža söwdalarynda suwuklandyrylan tebigy gazyň we awiakerosiniň eksporty boýunça geleşikler baglaşyldy
22-nji awgustda Türkmenistanyň Döwlet haryt-çig mal biržasynyň söwdalarynda umumy bahasy ABŞ-nyň 5,4 mln dollaryna barabar bolan 12 sany geleşik baglaşyldy diýip, ORIENT agentligi habar berýär.
«Türkmennebit» DK: ýanwar-iýul aýlary boýunça üstünlikli netijeler gazanyldy
2022-nji ýylyň ýedi aýynyň netijeleri boýunça «Türkmennebit» döwlet konserni boýunça senagat taýdan özleşdirilen guýulardan 2 mln 123 müň tonna «gara altyn» we 2 mlrd 613 kub metr «mawy ýangyç» alyndy. Şol bir wagtda bellenilen döwür üçin önümçilik meýilnamasy degişlilikde 101,1% we 115,3% ýerine ýetirildi.