Uzynada käninde täze nebitgaz guýusy üstünlikli özleşdirildi
12:18 28.03.2026 3096
Türkmenistanyň Uzynada nebitgaz ýatagynda 75-nji belgili täze guýuda işler üstünlikli tamamlandy. Bu waka «Türkmenistanyň nebitgaz senagatyny ösdürmegiň 2030-njy ýyla çenli Maksatnamasyny» durmuşa geçirmekde möhüm ädim boldy hem-de «Türkmennebit» döwlet konserniniň hünärmenleriniň ýokary hünär derejesini ýene-de bir gezek tassyklady.
Täze guýy Hytaýyň ZJ–70–DB kysymly buraw desgasynyň kömegi bilen burawlanyp, 6800 metr çuňluga ýetdi. Guýyny özleşdirmegiň netijesinde gije-gündizde 91,7 kub metr nebit we gaz kondensatynyň durnukly akymy alyndy. Buraw işleri «Nebitgazburawlaýyş» trestiniň «Körpeje» buraw işleri müdirliginiň Tagangeldi Amanowyň ýolbaşçylygyndaky topary tarapyndan amala aşyryldy.
«Körpeje» buraw işleri müdirliginiň baş geology Ýegenmyrat Hallyýewiň bellemegine görä, Uzynadadaky bu üstünlikler milli ykdysadyýetiň esasy pudagyny ösdürmäge gönükdirilen döwlet goldawynyň netijesidir. «Biziň hünärmenlerimiz döwrebap buraw desgalaryny ynamly özleşdirýärler, bu bolsa çuň gatlaklarda işlemäge we uglewodorod serişdelerini netijeli çykarmaga mümkinçilik berýär» diýip, ol nygtady.
Häzirki wagtda Uzynada ýatagynda bir wagtyň özünde üç sany guýuda işler alnyp barylýar. Döwrebap buraw desgalary çuň gatlaklary özleşdirmäge şert döredýär, hünärmenler bolsa Barsagelmez, Günorta Bugdaýly, Atjan, Altyguýy we Ekizek ýataklarynda hem işjeň zähmet çekýärler.
Täze guýy Türkmenistanyň energetika howpsuzlygyna saldamly goşant boldy we sebitiň nebitgaz çykaryjy möhüm merkez hökmündäki ornuny has-da berkitdi.
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.