Ýagşygeldi Kakaýew adyndaky HNGU-nyň talyplary Özbegistanda halkara olimpiadada medallary gazandylar
15:21 03.02.2026 2774
Ýagşygeldi Kakaýew adyndaky Halkara nebit we gaz uniwersitetiniň talyplary 2026-njy ýylyň 24-29-njy ýanwary aralygynda Özbegistan Respublikasynyň Buhara şäherinde geçirilen matematika we himiýa boýunça halkara olimpiadalarynda ýurdumyzyň ýokary bilim edarasyna mynasyp wekilçilik etdiler.
Bu abraýly intellektual ýaryşlaryň netijesinde türkmen ýaşlary ýurdumyzyň gazananlarynyň üstüni 5 sany baýrakly orun bilen doldurdylar. Olaryň arasynda 1 altyn, 2 kümüş we 2 bürünç medal bar.
Takyk ylymlar we sanly tehnologiýalar ugrundan iň ýokary netijeleri şu talyplar görkezdiler: Kerimguly Bendow (Sanly tehnologiýalar we kiberhowpsuzlyk fakultetiniň 1-nji ýyl talyby) — Altyn medal we I derejeli diplom; Yslam Haýytmuhammedow (şol fakultetiň 4-nji ýyl talyby) — Kümüş medal we II derejeli diplom.
Himiýa tehnologiýasy we ekologiýa ugrunda hem talyplarymyz ýokary ussatlyk görkezdiler: Azim Bahtiýarow (Himiýa tehnologiýasy we ekologiýa fakultetiniň 4-nji ýyl talyby) — Kümüş medal we II derejeli diplom; Abdyrahym Batyrow (şol fakultet) — Bürünç medal we III derejeli diplom; Jemşit Talibžonow (Energetika we inženerçilik desgalary fakulteti) — Bürünç medal we III derejeli diplom.
HNGU-nyň talyplarynyň Özbegistandaky bu uly üstünligi ýurdumyzda amala aşyrylýan bilim özgertmeleriniň netijeliliginiň we türkmen ýokary biliminiň halkara derejesindäki abraýynyň barha artýandygynyň aýdyň subutnamasydyr.
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.