Energetika we ulag-üstaşyr ulgamlary – Türkmenistanyň GDA-da başlyklyk etmeginiň ileri tutulýan ugurlarynyň hatarynda
16:07 30.01.2026 2935
Garaşsyz Döwletleriň Arkalaşygynyň (GDA) Baş sekretary Sergeý Lebedew Türkmenistanyň 2026-njy ýylda guramadaky başlyklygy barada durup geçmek bilen, ýurduň geografik ýerleşişiniň ykdysady meseleleriň, şol sanda üstaşyr-ulag geçelgelerini ösdürmegiň ähmiýetini kesgitleýändigini nygtady. Bu barada Sergeý Lebedew 29-njy ýanwarda Minsk şäherinde Türkmenistanyň başlyklygynda geçirilen GDA-nyň agza döwletleriniň doly ygtyýarly wekilleriniň Geňeşiniň mejlisinde mälim etdi.
Sergeý Lebedew Türkmenistanyň 2026-njy ýyldaky başlyklyk Konsepsiýasynyň esasy ugurlarynyň hatarynda energetika ulgamyny hem agzap geçdi we Türkmenistanyň nebitgaz serişdeleriniň möhüm üpjünçisi hökmündäki ornuna ünsi çekdi.
Mejlisde Türkmenistanyň Belarus Respublikasyndaky ilçisi Nazarguly Şagulyýew çykyş edip, ýurduň Arkalaşykdaky başlyklygyna hemişelik bitaraplyk, hoşniýetli goňşuçylyk we deňhukukly hyzmatdaşlyk ýörelgelerine esaslanýan daşary syýasy ugrunyň dowamy hökmünde seredilýändigini belledi.
Türkmenistanyň başlyklyk etmeginiň çäginde 2026-njy ýylyň 9-njy oktýabrynda Hazar deňziniň kenaryndaky "Awaza" milli syýahatçylyk zolagynda GDA-nyň agza döwletleriniň Baştutanlarynyň sammiti geçiriler. Bu barada turkmennebit.gov.tm saýty habar berýär.
“Awazada” BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäreleri badalga aldy
3-nji awgustda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň başlanmagy mynasybetli baýdak galdyrmak dabarasy geçirildi diýip, Türkmenistanyň DIM-nde habar berdiler.
TNGIZT-niň we «Türkmenhimiýanyň» önümleri — birža söwdalarynyň öň hatarynda
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 86-sy hasaba alyndy.
Birža söwdalarynda daşarky bazara suwuklandyrylan gaz iberildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Prezident Serdar Berdimuhamedow Türkmenistany ösdürmegiň ileri tutulýan ugurlaryny kesgitledi
Şenbe güni, 19-njy martda Ruhyýet köşgünde Türkmenistanyň saýlanan Prezidentiniň wezipä girişmegi mynasybetli dabara geçirildi. Dabaranyň barşynda Serdar Berdimuhamedow kasam kabul etdi we döwlet Baştutany wezipesine girişdi.
Türkmenistan — kuwwatly energetika döwleti
Jemgyýetimizde sarp ediş bazary üçin düşewüntli, arzan, amatly we döwrebap bolan senagat pudaklaryna, durmuş-medeni ulgamlara, halk hojalygynyň önümçilik medeniýetine gaýtadan dikeldilýän energiýa çeşmeleriniň kuwwatly binýady çalt ornaşýar.