Birža söwdalarynda daşarky bazara “Türkmennebit” DK-nyň önümleri ýerlenildi
15:27 09.01.2026 1718
8-nji ýanwarda geçirilen birža söwdalarynyň dowamynda dürli ýurtlaryň telekeçileri «Türkmennebit» döwlet konserniniň önümlerini satyn almak boýunça birnäçe ylalaşyk baglaşdylar.
Owganystanly telekeçiler gidroarassalanan dizel ýangyjyny we «BND 60/90» kysymly ýol bitumyny satyn almak barada şertnama baglaşdylar.
Özbegistanly telekeçiler bolsa «SN-350» kysymly binýatlyk ýagyny we «BND 60/90» kysymly ýol bitumyny satyn aldylar.
BAE-niň, Türkiýäniň we Owganystanyň işewürleri «Türkmennebit» döwlet konserni bilen «BND 60/90» kysymly nebit ýol şepbik bitumyny satyn almak boýunça ylalaşyklar baglaşdylar.
Söwdalaryň dowamynda jemi 7 sany şertnama baglaşylyp, olaryň umumy bahasy 4 million 720 müň ABŞ dollaryna barabar boldy. Bu barada turkmennebit.gov.tm saýty habar berýär.
Serdar Berdimuhamedow: Türkmenistan Şanhaý Hyzmatdaşlyk Guramasy bilen gatnaşyklaryna strategik nukdaýnazardan seredýär
Türkmenistan Şanhaý Hyzmatdaşlyk Guramasy bilen gatnaşyklaryna strategik nukdaýnazardan seredýär. Bu barada Prezident Serdar Berdimuhamedow sanly ulgam arkaly geçirilen Şanhaý Hyzmatdaşlyk Guramasyna (ŞHG) agza döwletleriň Baştutanlarynyň Geňeşiniň 23-nji mejlisinde eden çykyşynda belledi.
Türkmenistanyň Prezidenti ŞHG agza döwletler bilen gatnaşyklaryň ugurlaryny kesgitledi
Prezident Serdar Berdimuhamedow sişenbe güni sanly ulgam arkaly geçirilen Şanhaý Hyzmatdaşlyk Guramasyna (ŞHG) agza döwletleriň Baştutanlarynyň Geňeşiniň 23-nji mejlisinde eden çykyşynda işleriň birnäçe anyk ugurlaryna üns bermegi teklip etdi.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Demokratiýanyň milli nusgasy dabaralanýar
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi.