OGT 2025: ählumumy energetika dialogyna 30 ýyl
11:37 03.10.2025 3501
«Türkmenistanyň nebiti we gazy – 2025» 30-njy halkara maslahatyna we sergisine taýýarlyk işleri barha giň gerim alýar. Çäreler 2025-nji ýylyň 22–24-nji oktýabry aralygynda Aşgabat şäherinde geçiriler. Maslahatyň guramaçylary bolup — «Türkmennebit» we «Türkmengaz» döwlet konsernleri, «Türkmengeologiýa» döwlet korporasiýasy hem-de «Türkmen Energetika Forumy» hyzmatdaşlykda çykyş edýär.
Guramaçylaryň belleýşi ýaly, geljekki foruma rekord derejede wekiller gatnaşar, işewür gatnaşyklaryň täze mümkinçilikleri dörediler we türkmen kompaniýalary bilen halkara hyzmatdaşlarynyň arasyndaky gatnaşyklaryň ösdürilmegine gönükdirilen ýöriteleşdirilen sessiýalar geçiriler.
1995-nji ýylda döredilen OGT häzirki wagtda sebitiň iň iri energetika çäreleriniň birine öwrüldi. 2025-nji ýyldaky forum aýratyn ähmiýetli bolar diýlip garaşylýar: onda 60 ýurtdan, bäş yklymdan 1000-den gowrak wekiliň, 300-den gowrak kompaniýanyň we guramanyň gatnaşmagyna garaşylýar.
Sergide 100-den gowrak kompaniýa çykyş eder, bu bolsa OGT 2024 bilen deňeşdirilende 45% köpdür. Olaryň arasynda 40-dan gowrak täze kompaniýa we Aşgabatda ilkinji gezek çykyş edýän 100-den gowrak wekil bar. Şeýle ösüş forumyň taryhynda ilkinji gezek bolup, Türkmenistanyň dünýä energetika sahypasynda ähmiýetiniň artýandygyny görkezýär.
OGT 2025-iň esasy düzüjileriniň biri hem dört sany ýöriteleşdirilen «tegelek stolyň» geçirilmegi bolar. Bu çäreler çuňňur tehniki we strategik maslahatlar üçin özboluşly mümkinçilik hödürlär.
Şolardan ikisi SPE bilen hyzmatdaşlykda geçirilip, nebitgaz pudagyndaky öňdebaryjy tehniki meseleleriň çözgütlerine bagyşlanar. Bu bolsa Türkmenistanyň milli energetika kompaniýalarynyň hünärmenlerine dünýä tejribesi, sanlylaşdyrma we känleriň özleşdirilişi boýunça halkara hünärmenleri bilen göni tejribe alyşmaga mümkinçilik berer.
Galan iki «tegelek stol» bolsa S&P Global Commodity Insights bilen hyzmatdaşlykda guralyp, energetikadaky täzelikleriň, maýa goýum mümkinçilikleriniň we sebitleýin hyzmatdaşlygyň seljerilmegine gönükdiriler. Olar energetika ulgamynda türkmen we halkara ýolbaşçylarynyň strategik gepleşikleri üçin ýokary derejeli meýdança bolar.
Bu tegelek stollaryň maslahatyň iň möhüm wakalarynyň birine öwrülmegine garaşylýar, olar milli we halkara gatnaşyjylar üçin bilim, tejribe we hyzmatdaşlyk mümkinçilikleriniň döredilýän meýdançasyny hödürlär.
OGT 2025 şeýle hem gatnaşýanlara giňden erkin aragatnaşyk mümkinçiliklerini hödürlär. Forumyň maksatnamasynda 10-dan gowrak kofe-arakesme meýilleşdirilip, gatnaşyjylar üçin açyk we işjeň gepleşik atmosferasy dörediler. Mundan başga-da, döwlet edaralarynyň ýokary derejeli wekillerini, halkara nebitgaz kompaniýalarynyň we maýa goýum edaralarynyň ýolbaşçylaryny bir ýere jemlejek dört ýokary derejeli agşamlyk meýilleşdirilýär.
Has giňişleýin maglumat çäräniň resmi saýtynda elýeterlidir: www.ogt-turkmenistan.com
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.