Türkmenistanyň maýa goýum forumy – 2025 Awazada geçiriler
16:32 05.09.2025 3007
2025-nji ýylda Türkmenistanyň Maýa goýum forumyny (TIF 2025) geçirmek boýunça guramaçylyk komiteti çäräniň geçiriljek ýerini üýtgetdi. Forum 18–19-njy sentýabrda Hazar deňziniň kenaryndaky Awaza syýahatçylyk zolagynyň maslahatlar merkezinde geçiriler. Bu barada ORIENT habar berýär.
Guramaçylaryň bellemeklerine görä, forumyň Awazanyň häzirki zaman maslahatlar merkezine geçirilmegi, gatnaşyjylar üçin iş maksatnamasyny we resmi däl gepleşikleri geçirmekde iň amatly şertleri döretmek maksady bilen guraldy. Syýahatçylyk zolagynyň infrastrukturasy dürli ýurtlaryň wekilleri üçin rahat iş gurşawyny üpjün eder.
Guramaçylar gatnaşyjylar üçin aşakdaky hyzmatlary göz öňünde tutýarlar:
Aşgabat–Türkmenbaşy ugry boýunça ýörite uçar gatnawlary:
Uçuş: 17-nji sentýabrda sagat 17:00, gaýdyp geliş: 19-njy sentýabrda sagat 22:00.
Howa menzili bilen myhmanhanalaryň we forumyň meýdançasynyň arasynda awtobuslar bilen ulag hyzmaty.
«Berkarar» we «Hazyna» myhmanhanalaryny goşmak bilen syýahatçylyk zolagyndaky ýerleşdirme.
Ýörite uçar gatnawyndaky orunlar çäklidir, sargyt etmek diňe hasaba alnan wekiller üçin ýüz tutmanyň gelýän tertibine görä amala aşyrylýar. Töleg bilen baglanyşykly jikme-jik maglumatlar hasaba alnandan soň berilýär.
Foruma gatnaşmak üçin wekilleriň hasaba alyş möhleti 2025-nji ýylyň 10-njy sentýabryna çenli uzaldyldy.
Türkmenistanyň 2025-nji ýyldaky Maýa goýum forumy (TIF 2025) Türkmenistanyň Maliýe we ykdysadyýet ministrligi hem-de Daşary işler ministrligi tarapyndan «Turkmen Congress» guramasynyň goldaw bermeginde guralýar.
TIF 2025 forumy ýylyň iň iri ykdysady çäresi hökmünde görkezilýär. Ol maýa goýujylary, kompaniýalaryň ýolbaşçylaryny we hünärmenlerini ykdysady ösüşiň strategik meselelerini hem-de halkara hyzmatdaşlygyny ara alyp maslahatlaşmak üçin bir ýere jemlemegi maksat edinýär.
Goşmaça maglumatlary elektron-poçta arkaly contact@turkmencongress.com ýa-da şu telefon belgisine jaň edip alyp bolýar: +993 71 87 18 14
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.