Türkmenistan we Hytaý Aşgabatda “Lu Ban ussahanasyny” açmak işini işjeňleşdirýär
13:13 26.08.2025 3276
Ýagşygeldi Kakaýew adyndaky Halkara nebit we gaz uniwersiteti Hebeý nebit hünär-tehniki uniwersiteti we Sian şäherindäki Şiyu uniwersiteti Türkmenistanda «Lu Ban ussahanasy» taslamasyny çaltlaşdyrmak boýunça bilelikdäki wideomaslahat geçirdiler diýip, 24-nji awgustda Orient agentligi habar berýär.
Üç ýokary okwu mekdebiniň wekilleri taslamanyň ösüşine degişli ähli ugurlary — enjamlaryň satyn alynmagy, daşalmagy we gümrük taýdan resmileşdirilmegi ýaly meseleleri jikme-jik ara alyp maslahatlaşdylar. Duşuşykda 2025-nji ýylyň ikinji ýarymy üçin iş meýilnamasy hem ylalaşyldy. Taraplar sentýabra çenli laboratoriýanyň döredilmegini tamamlamak we ýylyň ahyryna çenli «Ussahanany» resmi taýdan açmak üçin işleri çaltlaşdyrmaga ylalaşdylar.
Ýagşygeldi Kakaýew adyndaky Halkara nebit we gaz uniwersitetiniň rektory Baýrammyrat Atamanow hytaýly hyzmatdaşlaryna beren goldawy üçin minnetdarlyk bildirdi. Öz gezeginde, Hebeý nebit hünär-tehniki uniwersitetiniň prorektory Ma Sýançaý iki hytaý uniwersitetiniň enjamlaryň ilkinji tapgyryny eýýäm satyn alandygyny we häzirki wagtda olaryň sanawyny düzmek hem-de ibermäge taýýarlamak işlerini alyp barýandygyny tassyklady.
Maslahatyň dowamynda türkmen we hytaý hünärmenleri Geologiýa serişdelerini barlamak laboratoriýasynyň we häzirki zaman maglumat tehnologiýalary laboratoriýasynyň täzeden gurulmagyna degişli meseleleri giňişleýin ara alyp maslahatlaşdylar. Şeýle hem enjamlaryň bökdençsiz geçirilmegi we «Bir guşak, bir ýol» bilelikdäki laboratoriýasynyň döredilmegi boýunça meýilnamalar maslahatlaşyldy. Taslama boýunça baglaşylan Ylalaşyga laýyklykda, Hytaýyň Milli nebit-gaz korporasiýasy (CNPC) hem gatnaşar. Bu ýagdaý bilim ulgamynyň önümçilik bilen utgaşdyrylýandygyny görkezýär.
«Lu Ban ussahanasy» — Hytaý hökümeti tarapyndan başlanan halkara hünär bilimi taslamasydyr. Onuň maksady hyzmatdaş ýurtlarda adam serişdeleriniň ösüşine ýardam bermek, ýokary hilli hünär-tehniki bilim bermek arkaly täze nesil hünärmenleri taýýarlamakdan ybaratdyr.
Taslama gadymy hytaý ussady we senetkäri bolan Lu Banyň ady bilen baglanyşyklydyr. Ol ussatlygyň nyşany hasap edilýär. «Ussahanalar» medeni we bilim alyş-çalşygynyň köprüsine öwrülip, tehnologiýalaryň geçirilmegine hem-de häzirki zaman enjamlar bilen işläp bilýän ýokary derejeli hünärmenleriň taýýarlanylmagyna ýardam bermäge gönükdirilendir.
Türkmenistanda şeýle merkeziň açylmagy ýokary bilimiň döwrebaplaşdyrylmagyna, öňdebaryjy tehnologiýalaryň ornaşdyrylmagyna we häzirki zaman şertlerinde zerur bolan hünärmenleriň taýýarlanylmagyna uly goşant goşar.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
Gahryman Arkadagymyz Saud Arabystanynyň döwlet ministri bilen söwda-ykdysady hyzmatdaşlygyň ileri tutulýan ugurlaryny maslahatlaşdy
2-nji aprelde türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saud bilen duşuşdy diýip, TDH habar berýär.
Türkmenistanyň Prezidenti «Merkezi Aziýa – Ýewropa Bileleşigi» birinji sammitine gatnaşmak üçin Özbegistana bardy
3-nji aprelde Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammitine gatnaşmak maksady bilen Özbegistan Respublikasyna iş sapary bilen bardy diýip, TDH habar berýär.
Abu-Dabide ADIPEC-2022 nebitgaz forumy geçiriler
ABŞ-nyň Türkmenistandaky ilçihanasy türkmen tarapynyň wekillerini Halkara nebitgaz sergisine we forumyna gatnaşmaga çagyrýar (ADIPEC-2022). Forum BAE-de Abu-Dabide 2022-nji ýylyň 31-nji oktýabryndan 3-nji noýabry aralygynda geçiriler. Bu barada Türkmenistanyň Senagatçylar we telekçiler birleşmesiniň saýtynda habar berilýär.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.