«Bagaja» käninde gazy gaýtadan işlemegiň möçberleri artýar
09:51 17.12.2020 6921
Lebabyň suwuklandyrylan gaz önümçiligi boýunça «Gazygaýtadanişleýiş» önümçilik müdirliginiň işgärleri «Bagaja» känindäki desgalarda tebigy gazy çuňlaşdyryp gaýtadan işlemegiň mümkinçiliklerini ynamly artdyrýarlar.
2020-nji ýylyň 11 aýynda gazy gaýtadan işleýjileriň tagallalary bilen 8 müň 315 tonna suwuklandyrylan gaz öndürildi, şunuň bilen birlikde, meýilnama 110% ýerine ýetirildi. Bu bolsa geçen ýylyň degişli döwri bilen deňeşdirilende ep-esli artykdyr.
Ýokary netijeler şeýle hem gaz kondensatyny öndürmekde hem gazanyldy. Hasabat döwründe Seýdiniň gazy gaýtadan işleýän zawodyna 24,5 müň tonna gaz kondensaty iberildi. Şol bir wagtda geçen ýylyň degişli döwri bilen deňeşdirilende ösüş depgini 148%-e deň boldy.
Şular ýaly ajaýyp netijeler işçileriň sazlaşykly zähmetiniň hem-de toplumyň kärhanalarynda oturdylan häzirki zaman enjamlarynyň netijeli peýdalanylmagynyň netijesi bolup durýar.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.