HNGU-nyň talyplary okuw trenažýorlaryny özleşdirýärler
10:20 09.12.2020 7481
Türkmenistanyň Halkara nebit we gaz uniwersitetinde talyplaryň ýokary hilli bilim almaklary üçin professor-mugallymlar düzüminiň tagallalary bilen zerur şertleriň ählisi döredildi. Nebit we gaz fakultetiniň barlaghanasy saýlap alan hünäriňi çuňlaşdyryp özleşdirmek üçin iň häzirki zaman enjamlary bilen enjamlaşdyryldy.
Şu ýylda uniwersitetde «Nebitgaz işi» ugry boýunça magistrlik okuwlary ýola goýuldy. Uniwersitetiň professorlarynyň hem-de mugallymlarynyň baş wezipesi — nebitgaz ýataklaryny gözlemek, olaryň gözlegini we işlenip taýýarlanylmagyny meýilleşdirmek bilen bagly häzirki zaman wezipeleriniň toplumyny çözmäge ukyply halkara derejeli ýokary hünär taýýarlykly hünärmenleri taýýarlamak bolup durýar.
«Buraw desgalarynyň enjamlary» fakultetiniň barlaghanasynda “Drilling sistems” okuw trenažýorlarynyň toplumy ornaşdyrylan. Bu trenažýorlaryň esasy artykmaçlygy olaryň buraw desgalarynyň dolandyryş we barlag-ölçeg dolandyryş enjamlary bilen meňzeşligidir.
Toplumyň maksatnama üpjünçiligi gury ýerde bolşy ýaly, deňizde ýerleşen guýularda buraw işlerini ýerine ýetirmekligi öwrenmeklige niýetlenendir.
HNGU-nyň magistrantlary hususy okuw we usuly gollanmalary bilen üpjün edilýär. Okuw dersleri we özbaşdak işler kompýuterleşdirilen otaglarda geçirilýär. diňleýjiler bilen okuwlary hünär başarnygynyň ýokary derejesine, ýokary bilim ulgamynda baý iş tejribesine eýe bolan HNGU-nyň öňdebaryjy mugallymlary geçirýärler.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.