OPEC+ ýurtlary ýanwardan nebitiň çykarylyşyny günde 0,5 mln barrel artdyrmagy ylalaşdylar
12:53 05.12.2020 7945
OPEC+ ministrleri penşenbe güni 2021-nji ýylyň ýanwar aýyndan başlap, nebitiň çykarylyşyny günde 0,5 mln barrel möçberde artdyrmak çözgüdini makulladylar. Duşuşyklar her aýda geçiriler, diýip OPEC-däki çeşmeler habar berdi. Muny TASS ýetirýär.
«Nebitiň çykarylyşyny günde 0,5 mln barrel artdyrmaklygy goldadylar. Bazardaky ýagdýy gözegçilikde saklamak üçin duşuşyklar her aýda geçiriler. Ýanwardan başlap, bazardaky şertlere baglylykda, nebitiň çykarylyşy günde 0,5 mln barrel artdyrylar» - diýlip bellenilýär.
Jemlenilende, ýanwarda OPEC+ 2018-nji ýylyň oktýabryndaky derejeden önümçiligi 7,2 mln barrel azaldar, şol bir wagtda ylalaşygyň ilkibaşdaky şertleri 5,8 mln barrel azaltmagy göz öňünde tutýardy.
«OPEC+ ýurtlarynyň seresaply hem-de kiçi ädimler bilen hereket etmek hakynda çözgüt kabul etmegi bazary begendirýär. Geljekde nämälimligi nazara alsaň, bu paýhasly çözgüt. Nebite bolan islegiň artmagy bilen teklibi çäklendirmek isleginiň hem gowşaýandygy üýtgewsiz şert bolup durýar» - diýip IHS Markets-yň analiti Wiktor Şum (Victor Shum) Blumberg agentligine aýtdy.
Anna güni nebit bazarynda bellei bir ösüş boldy. Ol penşenbe güni geçen OPEC+ mejlisiniň netijelerine esaslandy. Irden nebitiň bahalary ynamly ösdi: «Brent» 50 dollara golaýlady. «Brentiň» fewraldaky fýuçersleriniň bahasy 1,95% artyp, 49,66 dollar, WTI-niň ýanwardaky fýuçersleri 1,69% artyp, 46,41 dollara ýetdi.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.