ÝHHG-niň bilermenleri Türkmenistanyň ýangyç-energetika toplumynyň kärhanalarynyň ekologiýa howpsuzlygyny bellediler
14:07 26.11.2020 7428
ÝHHG-niň Aşgabatdaky Merkezi energetika ulgamynda ekologiýa howpsuzlygyny gorap saklamak ulgamynda gurama agza döwletleriň tejribesi bilen tanyşdyrmak boýunça onlaýn okuwlary guradylar.
Halkara bilermenler Türkmenistanda Gyýanlydaky gazhimiýa toplumy we Ahal welaýatyndaky tebigy gazdan sintetik benzin öndürýän zawod, Türkmenbaşynyň nebiti gaýtadan işleýän zawodlar toplumyndaky täze tehnologik desgalar ýaly taslamalary durmuş-ykdysady hem-de ekologiýa nukdaýnazaryndan ýokary netijeli diýip ykrar etdiler.
Innowasion tehnologiýalaryň ulanylmagy netijesinde bu desgalar gowulandyrylan ekologik häsiýetnamaly, halkara ülňülerine laýyk gelýän ýokary hilli nebit önümleriniň we gazhimiýa önümleriniň öndürilmegini üpjün edýär we daşky gurşawa zyýanly zyňyndylaryň derejesini peseltmäge mümkinçilik berýär.
Okuw maslahatyna gatnaşyjylar beýleki edaralar, şol sanda Ýewropa Bileleşigi bilen hyzmatdaşlygy berkitmekligiň ähmiýetini belläp geçdiler. ÝB-de bug gazlarynyň zyňylmagyny azaltmak we howanyň üýtgemegine uýgunlaşmak ulgamynda iň gowy çemeleşmeler synagdan geçirildi.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we Saud Arabystanynyň döwlet ministri ýangyç-energetika toplumynda hyzmatdaşlygy ösdürmegiň uly mümkinçiliklerini bellediler
2-nji aprelde Prezident Serdar Berdimuhamedow Saud Arabystany Patyşalygynyň döwlet ministri, Ministrler Kabinetiniň agzasy Emir Turki bin Mohammed Al Saudy kabul etdi diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.