Täze tehnikalar gelip gowuşdy
04:02 28.05.2024 6929
«Türkmengaz» döwlet konserni bilen Hytaý Halk Respublikasynyň dünýä belli kompaniýasynyň öndüriji zawodynyň arasynda baglaşylan şertnama esasynda konserniň Önümçilik desgalaryny üpjünleýiş müdirliginiň Marydaky 2-nji bazasyna «Zoomlion» kysymly tehnikalaryň ilkinji tapgyry gelip gowuşdy.
«Türkmengaz» döwlet konsernine gelip gowşan bu täze tehnikalar halkymyzyň gadymdan gelýän asylly däp-dessurlaryna, döwletli ýörelgelerine laýyklykda, üzärlik tütedilip, ak un sepilip, alaja daňlyp, mähirli garşy alyndy. Berkarar döwletiň täze eýýamynyň Galkynyşy döwründe döwlet Baştutanymyzyň taýsyz tagallalary bilen ýurdumyzyň gaz senagatynda alnyp barylýan tutumly işleri döwrebaplaşdyrmak, ösdürmek, oňa täze tehnologiýalary ornaşdyrmak giň gerim bilen alnyp barylýar. Pudagyň edara-kärhanalarynyň tehniki binýadynyň pugtalandyrylmagy ýurdumyzyň sebitlerinde täze, baý tebigy gaz gorly ýataklaryň açylmagyny, «mawy ýangyjyň» çykarylýan möçberleriniň artdyrylmagyny, önümleriň gaýtadan işlenilişiniň derejesiniň halkara kadalaryna laýyk getirilmegini şertlendirýär.
Dostlukly döwletiň öndüriji zawodyndan gelip gowşan bu ýokary iş öndürijilikli, häzirki zaman tehnologiýaly «Zoomlion» kysymly tehnikalaryň on sanysy zynjyrly, yzy ýer ýumşadyjy gurally buldozerlerdir. On dört sanysy bolsa zynjyrly ekskawatorlardyr. Tehnikalaryň bäş sanysy bort öwrümli asma enjamlary bolan mini ýükleýjilerdir. Kompýuterler arkaly dolandyrylýan bu tehnikalar konserniň önümçilik düzümlerinde ozalky bar bolan tehnikalaryň üstüni ýetirip, öňde goýlan wezipeleri üstünlikli ýerine ýetirmekde gazçylaryň hakyky daýanjyna öwrüler.
Bu zynjyrly buldozerlerde, zynjyrly ekskawatorlarda, mini ýük göterijilerde sürüji üçin işlemäge oňaýly, amatly iş şertleriň bolmagy täze tehnikalaryň esasy aýratynlygydyr. Gelip gowşan bu täze tehnikalar bada-bat konserniň iri önümçilik düzümleri bolan «Türkmengazakdyryş», «Türkmengazüpjünçilik» birleşiklerine, «Türkmenýöritenebitgazgurnama» trestine, «Marygazçykaryş», «Döwletabatgazçykaryş», «Lebapgazçykaryş» müdirliklerine we beýleki edara-kärhanalaryna bölünip berildi. Täze tehnikalar ýurdumyzyň sebitlerinde täze gaz ýataklaryny özleşdirmekde, burawlaýyş, gaz gurluşyk-gurnama işlerini ýerine ýetirmekde giňden ulanylar.
Konserniň gazçylary pudagyň önümçiligini döwrebap ösdürmäge döredilýän giň şertler üçin hormatly Prezidentimiz Arkadagly Gahryman Serdarymyza, türkmen halkynyň Milli Lideri Gahryman Arkadagymyza alkyş hem hoşallyk sözlerini aýdýarlar.
1-nji martda Türkmenistan Eýranyň üsti bilen Türkiýä tebigy gazyny iberip başlar – Türkiýäniň ilçisi
2025-nji ýylyň 1-nji martyndan türkmen tebigy gazyny Türkiýä ibermek işleri başlanar. Ibermeler swap usuly arkaly Eýranyň üstünden amala aşyrylar. Bu barada Türkiýäniň Türkmenistandaky ilçisi Ahmet Demirok anna güni türkmen we daşary ýurt habar beriş serişdeleri üçin geçiren metbugat maslahatynda aýtdy.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
Türkmen paýtagtynda Halkara sergi we ylmy maslahat geçirildi
6-7-nji awgustda Aşgabatda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Bu ähmiýetli çäreler ýurdumyzyň ugurdaş ministrlikleri we pudaklaýyn dolandyryş edaralary hem-de Söwda-senagat edarasy bilen bilelikde guraldy.
Türkmenistanyň DIM-niň ýolbaşçysy we YHG-nyň Baş sekretary köpugurly hyzmatdaşlygyň geljegini maslahatlaşdylar
12-nji fewralda Türkmenistanyň daşary işler ministri Raşid Meredow Ykdysady hyzmatdaşlyk guramasynyň (YHG) Baş sekretary Asad Majid Han bilen geçiren duşuşygynda hyzmatdaşlygy ösdürmegiň geljekki ugurlaryny maslahatlaşdy. Bu barada Türkmenistanyň DIM-nde habar berdiler.