Türkmenistanyň we TRACECA-nyň wekilleri ulag ulgamynda hyzmatdaşlygyň geljegini maslahatlaşdylar
11:53 23.04.2024 2702
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň TRACECA Hökümetara komissiýasynyň Hemişelik sekretariatynyň Baş sekretary Aset Asawbaýew bilen geçiren duşuşygynda ulag ulgamynda hyzmatdaşlygyň geljegi ara alnyp maslahatlaşyldy diýip, 16-njy aprelde Türkmenistan Halkara habarlar agentligi habar berýär.
Duşuşyk 15-19-njy aprelde Aşgabatda geçen Demir ýollaryň hyzmatdaşlygy guramasynyň (OSJD) agza ýurtlarynyň demir ýol ulaglary edaralarynyň Baş direktorlarynyň (jogapkär wekilleriniň) Maslahatynyň XXXVIII mejlisiniň çäklerinde geçirildi.
Duşuşygyň barşynda taraplar Türkmenistan bilen TRACECA-yň arasynda ulag, söwda we maýa goýumlar ulgamynda hyzmatdaşlygy bilen bagly meseleleriň giň toplumyny maslahatlaşdylar.
Türkmenistanyň TRACECA-nyň işine işjeň gatnaşýandygy we guramanyň çäklerinde hyzmatdaşlygy ösdürmäge möhüm ähmiýet berýändigi nygtaldy.
Şeýle hem Türkmenistanyň öz içine döwrebap demir ýollary, awtomagistrallary, deňiz portlaryny we howa menzillerini alýan ösen ulag infrastrukturasyna eýedigi bellenildi.
Asawbaýew ulag, söwda we maýa goýumlar ulgamynda bilelikdäki taslamalary durmuşa geçirmek maksady bilen TRACECA-nyň Türkmenistan bilen mundan beýläk hem hyzmatdaşlyk etmäge taýýardygy nygtaldy.
Taraplar geljegi uly taslamalar babatda pikir alyşmalary we işjeň hyzmatdaşlygy dowam etmegi ylalaşdylar.
TRACECA – Ýewropa – Kawkaz – Aziýa ulag geçelgesi. Bu maksatnama 1993-nji ýylyň maýynda Brýusselde 8 ýurduň söwda we ulag ministrleriniň gatnaşmagynda öňe sürüldi: Azerbaýjan, Ermenistan, Gruziýa, Gazagystan, Gyrgyzystan, Täjigistan, Türkmenistanda we Özbegistan. Şonda hem Ýewropada Gara deňziň, Kawkazyň, Hazar deňziniň üsti bilen Merkezi Aziýa ýurtlaryna çykmak bilen ulag geçelgesini ösdürmek boýunça Jarnama kabul edildi.
Türkmenistanyň Prezidenti YÖB-niň ýolbaşçysy bilen energetika, ulag we beýleki ugurlarda hyzmatdaşlygy ösdürmegi maslahatlaşdy
19-njy sentýabrda Prezident Serdar Berdimuhamedow Yslam ösüş bankynyň (YÖB) ýolbaşçysy Muhammad Al Jasser bilen duşuşygynda saglygy goraýyş, energetika, ulag we beýleki ulgamlarda hyzmatdaşlygy ösdürmegi maslahatlaşdy diýip, TDH habar berýär.
Türkmenistanyň DIM-niň ýolbaşçysy YHG-nyň 17-nji sammitinde Pakistanyň we BAE-niň ministrleri bilen energetika hyzmatdaşlyk meselelerini maslahatlaşdy
4-nji iýulda Ykdysady hyzmatdaşlyk guramasynyň 17-nji Sammitiniň çäginde Türkmenistanyň daşary işler ministri Raşid Meredow Pakistan Yslam Respublikasynyň daşary işler ministri Muhammad Ishak Dar bilen duşuşdy diýip, türkmen daşary syýasat edarasynyň saýtynda habar berilýär.
Türkmenistan YHG-nyň 17-nji sammitinde hyzmatdaşlygyň ileri tutulýan ugurlaryny beýan etdi
Türkmenistanyň daşary işler ministri Raşid Meredowyň ýolbaşçylygyndaky Türkmenistanyň wekiliýeti 4-nji iýulda Azerbaýjanyň Hankendi şäherinde geçirilen Ykdysady hyzmatdaşlyk guramasynyň (YHG) “Durnukly we howanyň üýtgemegine durnukly geljek üçin YHG-nyň täze garaýşy” atly 17-nji sammitine gatnaşdy diýip, Türkmenistanyň DIM-nde habar berdiler.
Merkezi saýlaw topary Türkmenistanyň Prezidentiniň saýlawlarynyň deslapky jemlerini jemledi
13-nji martda paýtagtymyzdaky «Garagum» myhmanhanasynda brifing geçirilip, onda Türkmenistanyň Prezidentiniň saýlawlarynda ses bermegiň deslapky netijeleri yglan edildi.
Ýangyç-energetika toplumynyň kärhanalary Türkmenistanyň ykdysady gazananlarynyň sergisine gatnaşýar
19-njy sentýabrda Aşgabatda Garagum” myhmanhanasynyň arkasynda gurnalan sergi meýdançasynda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi öz işine başlady.