Nebitiň bahalary durnukly ýagdaýda
09:40 01.03.2024 6202
Geçen hepdede ýokary galyp, aşak düşmelerden soň, penşenbe güni söwdalaryň barşynda nebit durnukly bahasyny saklap galýar.
9:20-däki maglumatlara görä, Brent nebitiniň ICE Futures biržasyndaky bahalary barreli üçin 83,62 dollara deňdir. Bu deslapky söwda görkezijilerinden 0,07% pesdir.
Çarşenbe güni boýunça maglumatlara görä, bu şertnamalaryň bahasy 0,03% ýokarlanyp, 83,68 dollara ýetipdir.
Aprel aýy üçin soňky şertnamalar penşenbe güni tamamlanýar, maý aýy üçin serişdeler bolsa 82,07 dollar bahada saklanýar. Bu deslapky söwda görkezijilerinden 0,1% aşakdyr.
Nýu-Ýorkdaky elektron söwdalar biržasynyň maglumatlaryna görä, WTI nebitiniň aprel üçin şertnamalarynyň bahalary 0,02% aşaklap, 78,52 dollara barypdyr. Deslapky söwdalaryň netijeleri mynasybetli bu şertnamalaryň bahalary 0,4% aşaklap, 78,54 dollardan 78,53 dollara düşüpdir. Energetika ministrliginiň maglumatlaryna görä, ABŞ-da nebit ätiýaçlyklarynyň azalmagy çarşenbe güni WTI nebitiniň bahasynyň aşak düşmeginiň sebäbidir. Geçen hepdäniň dowamynda ABŞ-da harytlyk nebitiň ätiýaçlyklary 4,2 mln barrel artypdyr. Şol bir wagtda Kuşingdäki terminallarda nebit ätiýaçlyklary 1,5 mln barrel artypdyr.
Nebiti çykarmak boýunça wagtlaýyn çäklendirmeleriň ikinji çärýege hem uzaldylmagynyň mümkinligi baradaky habar nebit bazaryna az-kem goltgy boldy.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we ÝTÖB-niň ýolbaşçysy hyzmatdaşlygy giňeltmäge gyzyklanma bildirdiler
3-nji aprelde Özbegistanda iş saparynda bolýan Prezidentimiz Serdar Berdimuhamedow Samarkant şäherinde geçiriljek «Merkezi Aziýa — Ýewropa Bileleşigi» görnüşindäki birinji sammitiň çäklerinde Ýewropanyň täzeleniş we ösüş bankynyň ýolbaşçysy hanym Odil Reno-Basso bilen duşuşdy diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
«Türkmen maýa goýum kompaniýasy» ýerli işewürligi hyzmatdaşlyga çagyrýar
Türkmenistanyň Döwlet daşary ykdysady iş banky bilen BAE-niň Abu-Dabi ösüş gaznasy bilen bilelikde dünýä tejribesine laýyklykda döredilen «Türkmen maýa goýum kompaniýasy» ýapyk görnüşli paýdarlar jemgyýeti Türkmenistandan işewürleri hyzmatdaşlyga çagyrýar. Bu barada «Нейтральный Туркменистан» gazetinde habar berilýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.