25 — 27-nji oktýabrda Türkmenistanyň Söwda-senagat edarasynda ýurdumyzyň energetika pudagy üçin möhüm çäreleriň biri — «Türkmenistanyň nebiti we gazy — 2023» (OGT — 2023) atly XXVIII halkara maslahaty we sergisi ýokary guramaçylyk derejesinde geçirildi. Bu gezekki maslahata dünýäniň 49 ýurdundan wekilleriň 700-den gowragy gatnaşdy. OGT — 2023 halkara sergisinde öz diwarlyklaryny kompaniýalaryň 70-den gowragy ýerleşdirdiler. Serginiň işlän üç gününiň dowamynda oňa 10 müňe golaý adam gatnaşdy.
