Owganystanyň Häkimiýeti TOPH gaz geçirijisi boýunça işleri geçirip başlamagyň zerurlygyny beýan etdi
19:07 02.12.2022 4564
Türkmenistan-Owganystan-Pakistan-Hindistan gaz geçirijisiniň gurluşygyny başlamak zerurlygy barada Talibanlaryň hökümetinde dag senagaty we nebit ministriniň wezipesini wagtlaýyn ýerine ýetirýän Şahabuddin Delawar TOPH gaz geçirijisiniň taslamasynyň ýeine ýetiriji direktory Muhammetmyrat Amanow hem-de Türkmenistanyň Kabuldaky ilçisi Hoja Öwezow bilen duşuşykda belledi.
Uzynlygy 1814 km we kuwwaty ýylda 30 mlrd kub metr tebigy gaz bolan TOPH gaz geçirijisiniň gurluşygy 2015-nji ýylyň dekabrynda Türkmenistanyň çäginde badalga aldy. Bu gaz geçirijisi Aşgabada gaz eksportyny diwersifikasiýalaşdyrmaga mümkinçilik berer, Kabula bolsa sosial meselelerini çözmek üçin serişdeleri berer. Yslamabat we Deli bolsa energiýa ýetmezçiliginiň öwezini dolar. TOPH taslamasyna gyzyklanmasyny owgan Häkimiýetine geçenden soň, Talibanlar hereketi hem mälim etdi.
Şahabuddin Delawaryň belleýşi ýaly, «bu taslamany durmuşa geçirmek arkaly Owganystanda köpsanly täze iş orunlary we maýa goýumlar dörär. Owganystan howpsuzlyk nukdaýnazaryndan amatly ýagdaýda ýerleşenligi sebäpli, biz bu mümkinçiligi peýdalanmaly we TOPH taslamasyny mümkin boldugyndan tiz başlamaly» diýip Owganystanyň dag magdan we nebit ministrligi habar berýär.
Ministr şeýle hem TOPH taslamasyny iň iri ykdysady we durmuş taslamalarynyň biri diýip atlandyrdy.
Öz gezeginde, Muhammetmyrat Amanow taslamanyň durmuşa geçirilişi barada aýtmak bilen, Türkmenistan TOPH boýunça praktiki işleriň tiz wagtda başlamagyna gyzyklanma bildirýär diýip belledi.
Türkmenistan we Malaýziýa energetika toplumynda hyzmatdaşlygy çuňlaşdyrmagy maksat edinýär
Türkmenistanyň Prezidenti Serdar Berdimuhamedowyň 18-19-njy dekabrda Malaýziýa resmi saparynyň netijeleri we Malaýziýanyň Premýer-ministri Dato Seri Anwar bin Ibrahim bilen gepleşikleriniň netijeleri boýunça Bilelikdäki Beýannama we resminamalara gol çekildi diýip, TDH habar berýär.
TDHÇMB-niň söwdalarynda suwuklandyrylan gazyň bahasy ýokarlandy
Türkmenistanyň Döwlet haryt-çig mal biržasynyň söwdalarynda 6-njy iýulda suwuklandyrylan tebigy gazyň bahasy ýokarlandy diýip, ORIENT agentligi habar berýär.
Türkiýe türkmen gazyny Anatoliýa TANAP boýunça getirmegi meýilleşdirýär
Türkmen tebigy gazyny Anatoliýa Anatoliýüsti gaz geçirijisi (TANAP) boýunça ibermek bolar diýip, Türkiýäniň wise-prezidenti Fuat Oktaý belledi.
«Tatneft» Türkmenistanda önümçilik infrastrukturasyny giňeltmäge taýýarlanýar
«Tatneft» rus kompaniýasynyň Türkmenistandaky şahamçasy ýurdumyzda bar bolan önümçilik infrastrukturasyny giňeltmegi meýilleşdirýär. Muňa türkmen habar beriş serişdelerinde neşir edilen degişli tender habar berýär.
Türkmenistanyň Prezidenti Petronas kompaniýasynyň ýolbaşçylary bilen duşuşyk geçirdi
18-19-njy dekabrda Malaýziýa resmi saparynyň çäklerinde Prezident Serdar Berdimuhamedow ýurduň iri nebitgaz kompaniýasy bolan Petronas kompaniýasynyň ştab-kwartirasyna baryp gördi. Duşuşykda hyzmatdaşlygyň ileri tutulýan ugurlary hem-de döwrüň talaplary nukdaýnazaryndan, onuň häzirki ýagdaýy we geljegi ara alnyp maslahatlaşyldy. Söhbetdeşler netijeli gatnaşyklary işjeňleşdirmek üçin giň mümkinçilikleriň bardygyny bellediler diýip, TDH habar berýär.