Türkmenistandan Hytaýa 340 mlrd kub metrden gowrak gaz eksport edildi — CNPC-niň prezidenti
15:17 27.10.2022 6589
Türkmenistandan Hytaýa 2009-njy ýyldan bäri 340 mlrd kub metrden gowrak tebigy gaz iberildi. Munuň özi iki ýurduň halklarynyň abadançylygyny üpjün etmeklige we ykdysady ösüşe netijeli täsir etdi. Bu barada Hytaýyň Milli nebitgaz korporasiýasynyň (CNPC) prezidenti Hou Sizsýun şu günlerde Aşgabatda geçirilýän «Türkmenistanyň nebiti we gazy 2022» Halkara nebitgaz maslahatynda eden onlaýn çykyşynda belledi.
CNPC-niň ýolbaşçysy geljekde HHR-e iberilýän türkmen tebigy gazynyň möçberlerii artdyrmagy meýilleşdirýändigini belledi.
— Geljekde biz türkmen hyzmatdaşlarymyz bilen bilelikde iki ýurduň ösüşine we hyzmatdaşlygyna itergi bermek üçin tebigy gaz ulgamynda hyzmatdaşlygyň gerimini we möçberini giňeltmek boýunça möhüm ylalaşyklary durmuşa geçireris — diýip, CNPC-niň prezidenti belledi.
Siszýunyň bellemegine görä, 2022-nji ýyly iýunynda «Bagtyýarlyk» şertnamalaýyn çäginde önümi paýlaşmak hakynda şertnama gol çekilmeginiň 15 ýyllygy mynasybetli Prezident Serdar Berdimuhamedowyň gatnaşmagynda Lebap welaýatynda bu şertnamalaýyn çäkde täze gazýygnaýjy desga ulanyşa girizildi. Bu Hytaý bilen Türkmenistanyň arasynda tebigy gaz ulgamynda hyzmatdaşlygyň aýdyň mysaly we hereketlendirijisi boldy.
Şol bir wagtda Siszýunyň bellemegine görä, nebit we gaz 2040-njy ýyla çenli energiýanyň esasy çeşmeleri derejesini saklap galar. Bu aýratyn hem energiýanyň pes uglerodly gazylyp alynýan çeşmesi hökmünde tebigy gaza degişlidir.
CNPC-niň prezidentiniň bellemegine görä, «hytaý we türkmen liderleriniň aladalary hem-de goldawy bilen, taraplar känleri işläp taýýarlamakda, tebigy gazyň söwdasynda, inženerçilik gurluşygynda we inžener-tehniki hyzmatlary bermekde, şeýle hem materiallary ibermekde oňat netijeleri gazandylar».
Belläp geçmeli zatlaryň biri, 2009-njy ýylyň dekabrynda işe girizilen Türkmenistan-Özbegistan-Gazagystan-Hytaý gaz geçirijisiniň üç şahasy boýunça (A, B we Ç) häzirki wagtda ýylda 40 mlrd kub metr töweregi gaz iberilýär.
2022-nji ýylyň sentýabrynda HHR-iň Başlygy Si Szinpin we Türkmenistanyň Prezidenti Serdar Berdimuhamedow Samarkandda ŞHG sammitiniň çäklerinde Türkmenistan-Hytaý gaz geçirijisiniň 4-nji şahasynyň gurluşygyny işjeňleşdirmekligi ylalaşdylar.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.