«Gazprom» 2035-nji ýyla çenli Türkmenistandan satyn alýan tebigy gazynyň möçberini artdyrmak isleýär
11:03 04.02.2021 8187
“Gazprom” 2020-2035-nji ýyllar aralygynda Türkmenistandan satyn alýan gazynyň möçberini 5,5 milliard kub metre çenli artdyryp biler. Bu barada Russiýanyň gaz pudagyny 2035-nji ýyla çenli ösdürmek boýunça baş meýilnamanyň taslamasyna salgylanyp “TASS” agentligi çarşenbe güni habar berdi.
Meýilnama laýyklykda, 2021-nji ýylda Merkezi Aziýadan Russiýa Federasiýasyna eksport edilýän gazyň möçberini 26,6 milliard kub metre çenli artdyrmak meýilleşdirilýär. Geçen ýyl deslapky çaklamalara görä, Merkezi Aziýadan satyn alnan gazyň eksport möçberi 26 milliard kub metre barabar boldy.
Türkmenistandan Russiýa “mawy ýangyjyň” ugradylmagy 2019-njy ýylda 4 milliard kub metr deň boldy. Özbegistandan 2019-njy ýylda 7,7 milliard kub metr gaz we Gazagystandan bolsa 14,2 milliard kub metr gaz satyn aldy.
Şeýle hem, eksport edilýän rus gazynyň bahasy 2025-nji ýylda 1000 kub metr üçin 146 ABŞ dollaryndan 211 ABŞ dollary aralygynda boljakdygy bellenildi.
“Gazprom” 2020-nji ýylda daşary ýurtlara 179,3 milliard kub metr gaz eksport etdi. Agentligiň habar berşi ýaly, pandemiýa döwründe görkeziji 2019-njy ýyl bilen deňeşdirilende 10% azaldy.
Türkmenistan tebigy gazyň subut edilen gorlary boýunça dünýäde Russiýadan, Eýrandan we Katardan soň dördünji orny eýeleýär. Häzirki wagtda ýurduň gaz gorlary 50 trillion kubmetrden gowrak möçberde bahalandyrylýar.
Öň habar berşimiz ýaly, 2020-nji ýylyň 9 aýynda «Gazprom» Türkmenistandan satyn alýan tebigy gazynyň möçberlerini 2019-njy ýylyň degişli döwri bilen deňeşdirilende 3,2 mlrd kub metre çenli artdyrdy.
Şeýle hem bellenilişi ýaly, 2020-nji ýylyň 3 çärýeginde «Gazprom» Gazagystandan satyn alýan tebigy gaz möçberlerini 2019-njy ýylyň degişli döwri bilen deňeşdirilende 8,2 mlrd kub metrden 5,1 mlrd kub metre çenli azaltdy. 2020-nji ýylyň başyndan bäri «Gazprom» Özbegistandan tebigy gazy asla satyn almady diýen ýaly.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.