“Türkmengaz” DK-nyň başlygy: Türkmenistan hyzmatdaşlyk üçin açyk, ygtybarly we taýýar ýurt
18:54 23.10.2025 3291
Türkmenistanyň Döwlet ministri, «Türkmengaz» döwlet konserniniň başlygy Maksat Babaýew «Türkmenistanyň nebiti we gazy – 2025» atly XXX halkara maslahatyň dowamynda çykyş etdi. Ol foruma giň halkara gatnaşygynyň ýurduň dünýä energetika ulgamyndaky strategik ornunyň subutnamasydygyny belledi.
Maksat Babaýewiň belleýşi ýaly, «tebigy gaz dünýä energetikasynyň üýtgeşmeler döwründe ygtybarly, uýgunlaşyp bilýän we pes uglewodly serişdedir. Dünýäde tebigy gaz gorlarynyň möçberi boýunça dördünji orunda durýan Türkmenistan üçin bolsa ol diňe bir milli abadançylygyň çeşmesi däl-de, sebit hyzmatdaşlygynyň hem hereketlendirijisidir».
Çykyşynyň dowamynda ministr Türkmenistanyň energetika strategiýasynyň üç esasy ýörelgä esaslanýandygyny aýtdy: energetika howpsuzlygy, ekologiýa jogapkärçiligi we halkara hyzmatdaşlygy. Ol «Galkynyş» ägirt uly käniniň senagat taýdan özleşdirilişine aýratyn üns berdi. Häzirki wagtda bu ýerde ýyllyk kuwwaty 30 milliard kub metr bolan gaz gaýtadan işleýän üç zawod hereket edýär. Ministriň sözlerine görä, geljek ýylyň başynda bu taslamanyň dördünji tapgyry öňdebaryjy tehnologiýalaryň we güýçlendirilen ekologik gözegçiligiň esasynda işe giriziler.
Türkmenistan gaz eksport ulgamyny hem işjeň ösdürýär. Tebigy gazyň esasy ugry hökmünde Hytaýa we Özbegistana iberilmegi dowam edýär, şeýle hem Türkmenistan–Owganystan–Pakistan–Hindistan (TOPH) halkara gaz geçirijisiniň taslamasy durmuşa geçirilýär. Maksat Babaýewiň nygtaýşy ýaly, TOPH «sebit integrasiýasynyň we bilelikdäki gülläp ösüşiň nyşanyna» öwrüler.
Strategiýanyň aýratyn bölegi metan zyňyndylaryny azaltmak we emeli aň tehnologiýalaryna esaslanýan sanly çözgütleri ornaşdyrmak bilen baglanyşyklydyr. Türkmenistan eýýäm zyňyndylary azaltmak boýunça milli ýol kartasyny tassyklaýar we BMG-niň daşky gurşaw maksatnamasy (ÝUNEP) bilen bilelikde MARS gözegçilik ulgamyny ornaşdyrýar.
Çykyşynyň ahyrynda Maksat Babaýew Türkmenistanyň halkara hyzmatdaşlygyna açykdygyny we özara peýdaly gatnaşyklaryň has-da pugtalandyrylmagyna taýýardygyny nygtady.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.