Energetika meselesi Ykdysady hyzmatdaşlyk boýunça Hökümetara türkmen-wenger toparynyň üns merkezinde boldy
12:17 02.10.2025 1896
29–30-njy sentýabrda Aşgabatda Ykdysady hyzmatdaşlyk boýunça hökümetara türkmen-wenger toparynyň altynjy mejlisi geçirildi. Wengriýanyň wekiliýetine Daşary işler we söwda ministrliginiň ikitaraplaýyn gatnaşyklary ösdürmek boýunça döwlet sekretary Boglarka Illeş ýolbaşçylyk etdi.
Saparyň maksatnamasyna diňe bir toparyň plenar mejlisi däl, eýsem, öň gazanylan ylalaşyklaryň durmuşa geçirilmegine bagyşlanan aýratyn duşuşyklar hem girizildi.
Gepleşikler, esasan, strategik taýdan möhüm ugurlarda hyzmatdaşlygy ösdürmegiň amaly ädimlerine gönükdirildi. Şunda energetika pudagyna aýratyn üns berildi: wenger wekilleri «Türkmengaz» döwlet konserni we Türkmenistanyň Energetika ministrligi bilen duşuşyklary geçirdiler.
Mejlise MVM Group Co. Ltd energetika holdinginiň baş direktorynyň gatnaşmagy energetika bilen baglanyşykly meseleleriň we geljekki taslamalaryň maksadalaýyk ara alnyp maslahatlaşylýandygyny görkezdi. Ýewropa Bileleşiginiň agzasy hökmünde Wengriýa Türkmenistany energiýa çeşmeleriniň üpjünçiligi we diwersifikasiýasy babatda möhüm hyzmatdaş hökmünde görýär.
Taraplar hökümetara «Maýa goýumlary höweslendirmek we özara goramak hakynda» ylalaşygyň tiz wagtda gol çekilmeginiň zerurdygyny belläp geçdiler. Bu resminama Wengriýanyň maýa goýumlarynyň Türkmenistana gelmeginde we işewür düzümleriň arasyndaky gatnaşyklaryň giňelmeginde hukuk binýadyny döreder.
Wengriýa öz gezeginde ÝB döwletleriniň Türkmenistan bilen söwda-ykdysady gatnaşyklaryny giňeltmekde özüni bir «geçelge» hökmünde görkezmäge taýýardygyny tassyklady. Wekiliň düzüminde oba hojalygy, milli ykdysadyýet ministrlikleriniň hem-de Wengriýanyň Eksporty ösdürmek agentliginiň (HEPA) wekilleri boldy.
Toparyň mejlisinde oba hojalygy, azyk senagaty, suw serişdelerini dolandyrmak, daşky gurşawy goramak, saglygy goraýyş we lukmançylyk senagaty ýaly beýleki hyzmatdaşlyk ugurlary hem maslahatlaşyldy.
Wenger wekiliýeti saparynyň çäklerinde Türkmen halysynyň milli muzeýine baryp gördi.
Mejlisiň jemleri boýunça beýannama gol çekildi. Toparyň indiki — ýedinji mejlisini Budapeştde geçirmek ylalaşyldy.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.