«Galkynyşnebit» müdirliginiň zähmet üstünlikleri
10:49 25.12.2020 9771
Çeleken ýarymadasynyň geljegi uly ýerleri hünärmenleriň çaklamalaryna görä, özünde uglewodorod serişdeleriniň baý gorlaryny saklaýar. Bu ýerde uglewodorodlary çykarmak işini «Türkmennebit» DK-nyň «Galkynyşnebit» nebit we gaz çykarmak boýunça müdirliginiň hünärmenleri amala aşyrýarlar.
Müdirligiň hünärmenleri önümçilikde häzirki zaman tehnikalaryny we tehnologiýalaryny peýdalanmak bilen öňde goýlan wezipeleri üstünlikli ýerine ýetirýärler, uglewodorod serişdelerini çykarylyşyny yzygiderli artdyrýarlar. 2020-nji ýylyň 11 aýynda hereket edýän guýulardan «gara altynyň» çykarylyşy 44 müň 410 tonna barabar boldy, şol bir wagtda meýilnama 116,5 % ýerine ýetirildi.
Öňdebaryjy innowasion tejribäni ornaşdyrmak arkaly müdirligiň nebitçileri işiň hil babatda täze derejesine çykdylar. Dagajyk meýdançasynda ýerleşen, öndürijiligi pes bolan № 636 guýuda burawçylaryň güýji bilen onuň debitini artdyrmak boýunça çäreleriň birnäçesini durmuşa geçirdiler. Netijede goşmaça nebit akymy alyndy. Häzirki wagtda guýynyň gündelik öndürijiligi 25 tonna barabardyr.
Şeýle hem 1200 metr çuňlukda № 654 guýyny burawlamak işi ýokary depginlerde dowam edýär.
Şu ýylyň başyndan bäri, gury ýerlerde ýerleşen birnäçe guýuda düýpli abatlaýyş işleri geçirildi. Guýulary işläp taýýarlamak işi 1200-1270 m taslama çuňlugynda amala aşyrylýar. Şeýle hem nebit öndürijiligini artdyrmak maksady bilen pes öndürijilikli guýularyň çäklerinde 50-100 kub metr möçberli rezerwuarlar oturdyldy.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.