«Tatneft» Türkmenistanda goşmaça nebit önümçiligini ýene 770 müň tonna artdyrar
10:21 23.12.2020 8855
Türkmenistanda «Türkmennebit» döwlet konserni bilen bilelikde durmuşa geçirilýän «Tatneft» APJ taslamasynyň giňeldilmegi goşmaça 770 müň tonna nebiti çykarmaga mümkinçilik berer. Bu barada Tatarystanyň Prezidenti Rustam Minnihanow TASS agentligine interwýusynda habar berdi.
«Häzir «Tatneft» Türkmenistanda nebit önümçiligini ýokarlandyrmaga gönükdirilen hyzmat şertnamasyny üstünlikli durmuşa geçirýär. «Türkmennebit» DK-nyň iki nebit ýatagynda birnäçe çäreleriň amal edilmegi 280 müň tonnadan gowrak nebiti gazyp almaga mümkinçilik berdi. Häzirki wagtda türkmen we tatarystanly nebitçiler «Tatneft» APJ bilen «Türkmennebit» DK-nyň arasyndaky goşmaça nebit ýataklaryny öz içine alýan şertnamany mundan beýläk hem giňeltmek üçin meýilnamalary işläp düzdüler. Taslamanyň geriminiň giňelmegi, biziň çaklamalarymyza görä, goşmaça 700 müň tonnadan gowrak nebiti gazyp almaga mümkinçilik berer» – diýip, Rustam Minnihanow aýtdy.
Dekabr aýynyň başynda «Türkmennebit» DK bilen «Tatneft» APJ nebit guýularynyň akymyny ýokarlandyrmak boýunça hyzmatdaşlygy ýene sekiz ýyl uzaltdylar. Goşmaça şertnama 2028-nji ýyla çenli uzaldylyp, gatlaklaryň nebit berijiligini ýokarlandyrmak pudagynda kompaniýalaryň arasyndaky hyzmatdaşlygy giňelder. Iş maksatnamasy “Tatneftiň” 2011-2014-nji we 2018-2020-nji ýyllarda tehnologiýalaryny girizen ýerlerinden başga-da, “Goturdepenebit” nebitgaz çykaryş müdirliginiň birinji, ikinji we üçünji nebit ýataklaryny öz içine alýar.
Täze şertnama kompaniýalaryň Goturdepe ýatagynda bilelikdäki işi dowam etdirmek we nebiti gazyp almagy güýçlendirmek ugrunda “Tatneftiň” tehnologiýalaryny ulanmak maksadyny tassyklaýar. 2010-njy ýylyň awgust aýynda “Türkmennebit” we “Tatneft” ýedi ýyl möhlet bilen türkmen kompaniýasy tarapyndan işlenip düzülen Goturdepe ýatagynyň özleşdirilmeginiň çäklerinde gatlaklaryň nebit berijiligini ýokarlandyrmak üçin serwis işlerini geçirmek barada şertnama baglaşdy.
2011-nji ýylyň fewral aýynda “Tatneft” Türkmenistanda şahamçasyny hasaba aldy. Bilelikdäki işiň dowamynda Goturdepe ýatagynda 286 müň tonna goşmaça nebit gazylyp alyndy, “Tatneft” döwrebap nebit ýatak enjamlaryny, awtomatlaşdyryş serişdelerini we telemehanikany girizdi. Häzir kompaniýanyň hünärmenleri bu ýatagyň sanly modelini taýýarlaýarlar. Şeýle-de, çümýän elektrik nasoslaryny abatlamak boýunça önümçilik gurnaldy, nebit nasos-kompressor turbalarynyň abatlanylmagyny gurnamak we guýularyň abatlaýyş işleriniň arasyndaky döwri artdyrmak boýunça taslamalar durmuşa geçirilýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.