Türkmenistanda Ählumumy metan borçnamasynyň maksatlaryna ýetmek boýunça çäreleriň toplumy we “Ýol kartasynyň” taslamasy işlenip taýýarlanyldy. Bu barada Ministrler Kabinetiniň Başlygynyň orunbasary, daşary işler ministri R.Meredow 1-nji noýabrda Hökümet mejlisiniň barşynda habar berdi.

1-nji noýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň birnäçe meselelerine garaldy.

Türkmenistanyň DIM-nde daşary işler ministriniň orunbasary Ahmet Gurbanow bilen Fransiýanyň Türkmenistandaky ilçisi Filipp Merlen bilen geçirilen duşuşykda söwda-ykdysady hyzmatdaşlygy giňeltmek meselelerine garaldy diýip, ýurdumyzyň DIM-i habar berýär.

Türkmenistan bilen Russiýanyň arasynda özara haryt dolanyşygynyň möçberi geçen ýylyň degişli döwri bilen deňeşdirilende 2024-nji ýylyň ilkinji ýedi aýynda 58% artdy. Bu barada Russiýa Federasiýasynyň Hökümetiniň Başlygynyň orunbasary Alekseý Owerçuk Ykdysady hyzmatdaşlyk boýunça hökümetara türkmen-rus toparynyň mejlisinde aýtdy diýip, Türkmenistan Habarlar portaly habar berýär.

Golaýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynda geçirilen Türkmenistanyň Halk Maslahatynyň mejlisinde kabul edilen taryhy çözgütlere bagyşlanan wagyz-nesihat duşuşygy geçirildi.

30-njy oktýabrda Prezident Serdar Berdimuhamedow Russiýa Federasiýasynyň Hökümetiniň Başlygynyň orunbasary, Ykdysady hyzmatdaşlyk boýunça hökümetara türkmen-rus toparynyň rus böleginiň başlygy Alekseý Owerçugy kabul etdi diýip, TDH habar berýär.

Gazagystanyň «QazaqGaz» milli kompaniýasy “Türkmengaz” DK bilen hyzmatdaşlygyň çäklerinde birnäçe başlangyçlary öwrenýär diýip, LSM.kz saýtynda habar berilýär.

— Biziň kompaniýamyz Aşgabatda her ýyl geçirilýän halkara nebitgaz forumyna yzygiderli gatnaşýar. Şu gezek geçirilen «Türkmenistanyň nebiti we gazy — 2024» atly halkara maslahat we sergi oňa gatnaşanlaryň sany bilen tapawutlandy, munuň özi ýurduň möhüm pudagyny ösdürmäge täze itergi berýän giň gerimli çärä bolan gyzyklanmanyň artýandygyna şaýatlyk edýär.

Energetika ministrliginiň “Türkmenenergo” döwlet elektroenergetika korporasiýasynyň “Energoüpjünçilik” kärhanasy Ýaponiýanyň “Sumitomo Сorporation” kompaniýasy bilen Lebap döwlet elektrik stansiýasynyň gaz turbina desgalarynyň, şeýle hem Türkmenistanda hereket edýän beýleki gaz turbinaly elektrik stansiýalarynyň maddy-enjamlaýyn binýadyny berkider.

3–5-nji noýabrda Türkmenistanda Gurluşyk we senagat toplumynyň işgärleriniň gününe gabatlanylyp, Aşgabatda «Türkmenistanyň gurluşygy, senagaty we energetikasy» («CIET-2024») halkara maslahaty we sergisi geçiriler.

Prezident Serdar Berdimuhamedow 26-27-nji noýabrda Aşgabat şäherinde III türkmen-hytaý ylmy-innowasion forumyny geçirmek hakynda Karara gol çekdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 8-si hasaba alyndy.

Türkmenistanyň Prezidenti “Türkmennebit” döwlet konsernine Birleşen Arap Emirlikleriniň “MBF Group DWС-LLС” kompaniýasy bilen ýöriteleşdirilen tehnikalary satyn almak üçin şertnamana baglaşmaga ygtyýar berýän resminama gol çekdi.

Prezident Serdar Berdimuhamedow 24-nji oktýabrda «BRICS goşmak»/«autriç» formatyndaky XVI BRICS sammitinde eden çykyşynda Türkmenistanyň ykdysadyýet, energetika we durnukly ulag ulgamlarynda başlangyçlary dogrusynda durup geçdi. Türkmenistanyň Prezidentiniň çykyşy TDH-da getirilýär.

Owganystandaky ýagdaý düýpli kadalaşýar we Türkmenistan-Owganystan-Pakistan-Hindistan (TOPH) transmilli gaz geçirijisiniň gurluşyny ilerletmäge mümkinçilik berýär. Bu barada TAPI Pipeline Company Limited-niň Baş direktory we Dolandyryş geňeşiniň başlygy Muhammetmyrat Amanow 24-nji oktýabrda “Türkmenistanyň nebiti we gazy – 2024” Halkara maslahatynda eden çykyşynda belledi.