Türkmenistanyň Ylymlar akademiýasynyň Halkara ylmy-tehnologiýa parkynyň hünärmenleri topragyň gatlagynda metan emissiýasyny netijeli zyýansyzlandyrmak üçin täze nesliň innowasion bioserişdesini işläp düzdüler diýip, "Türkmenistan: Altyn asyr" neşiri habar berýär.
Taslama habarçy agza, himiýa ylymlarynyň doktory Durdymyrat Gadamowyň we biotehnologiýalar barlaghanasynyň müdiri Altyn Rahmanowanyň ýolbaşçylygyndaky barlag topary tarapyndan amala aşyryldy.
Milli işläp düzmäniň esasynda sebitiň howa şertlerine uýgunlaşan we metany ekologiýa üçin howpsuz bolan suwa hem-de kömürturşy gaza özgertmäge ukyply metan-oksidleşdiriji bakteriýalaryň ýerli aborigen ştamlaryny ulanmak bilen tebigy mehanizmler ýatyr. Täze serişde ýerli çig malyň ulanylmagy esasynda ekologik howpsuzlygy, ykdysady taýdan elýeterliligi we daşary ýurt meňzeş serişdelerinden garaşsyzlygy bilen tapawutlanýar.
Türkmen alymlarynyň bu işläp taýýarlamasy döwletiň bug zyňyndylaryny azaltmaga, Ählumumy metan borçnamasynyň çäklerindäki halkara borçnamalary ýerine ýetirmäge we ykdysadyýetiň esasy pudaklarynda ekologik gözegçiligiň öňdebaryjy standartlaryny ornaşdyrmaga gönükdirilen ekologiýa strategiýasyny durmuşa geçirmäge amaly goşant boldy.
