Türkmenistan bilen ÝTÖB hyzmatdaşlyk barada birnäçe resminama gol çekdiler
15:29 29.07.2026 113
28-nji iýulda Türkmenistanyň Daşary işler ministrliginde Ýewropanyň täzeleniş we ösüş bankynyň (ÝTÖB) ýolbaşçysy Odil Reno-Basso bilen duşuşyk geçirildi. Duşuşygyň netijeleri boýunça birnäçe ugurlarda, şol sanda energetika ulgamynda hyzmatdaşlyk etmek hakynda resminamalara gol çekildi.
Türkmenistanyň DIM-niň habar bermegine görä, duşuşygyň dowamynda taraplar ÝTÖB bilen hyzmatdaşlygyň ýokary depginde dowam edýändigini bellediler.
Şeýle-de duşuşykda Türkmenistanyñ «ýaşyl» energetikanyň ösdürilmegini, sebitleýin özara baglanyşygy we ekologiýa taýdan arassa tehnologiýalaryň ornaşdyrylmagyny işjeň goldaýan ykdysadyýetini diwersifikasiýalaşdyrmak ugruny ÝTÖB -niň goldaýandygy nygtaldy.
Şeýle hem taraplar ulag-logistika infrastrukturasyny ösdürmek we sebitleýin ulag geçelgelerini, hususan-da Transkaspiý geçelgesini öňe sürmäge ýardam bermek boýunça geljegi uly taslamalara seretdiler.
Duşuşygyň soňunda taraplar işjeň hyzmatdaşlygy mundan beýläk-de dowam etdirmek we göz öňünde tutulan meýilnamalary durmuşa geçirmek boýunça anyk ädimleri kesgitlemek barada pikir lerini beýan etdiler.
Duşuşykdan soň ÝTÖB bilen Türkmenistanyň birnäçe döwlet edaralarynyň arasynda resminamalara gol çekmek dabarasy boldy.
Şol sanda Türkmenistanyň Daşky gurşawy goramak ministrliginiň, Türkmenistanyň Energetika ministrliginiň, «Türkmengaz», «Türkmennebit», «Türkmenhimiýa» döwlet konsernleriniň hem-de Ýewropanyň dikeldiş we ösüş bankynyň arasynda Türkmenistanda durnukly energetika, daşky gurşawy goramak we suw serişdelerini netijeli peýdalanmak çygrynda hyzmatdaşlyk etmek barada Özara düşünişmek hakynda Ähtnama gol çekildi.
Bioenergetika — Türkmenistan üçin täze energiýa çeşmesi
Häzirki zaman dünýäsinde «ýaşyl» tehnologiýalaryň we galyndysyz önümçilik konsepsiýasynyň has gymmatly bolýan döwründe bioenergetika birinji oruna çykýar. Bioenergetika — organiki galyndylardan energiýany öndürmek usuly. Bu diňe bir özüni elektrik energiýa we ýylylyk bilen üpjün etmegiň usuly bolman, eýsem, ozal «zibil» bolan zady Türkmenistanyň gülläp ösýän geljegi üçin gymmatly çeşmä öwürmek bilen daşky gurşaw meseleleriniň täsirli çözgüdidir.
Awgust aýyndan OPEC-e Kuweýtiň wekili başlyklyk eder
OPEC-iň nobatdan daşary mejlisinde ministrler guramanyň täze baş sekretary wezipesine — 2022-nji ýylyň 1-nji awgustyndan başlap üç ýyl möhlete Kuweýtden Haýtam Al-Gaýsy (Haitham Al-Qais) saýladylar diýip, Interfaks habar berýär.
Serdar Berdimuhamedow Si Szinpini Aşgabatdaky halkara foruma çagyrdy
Prezident Serdar Berdimuhamedow HHR-iň Başlygy Si Szinpini Türkmenistanyň Bitaraplygynyň 30 ýyllygy mynasybetli 12-nji dekabrda Aşgabatda geçiriljek halkara foruma çagyrdy diýip, TDH habar berýär.
Türkmenistanyň Prezidentiniň HHR-e iş sapary tamamlandy
3-nji sentýabrda Prezident Serdar Berdimuhamedow Hytaý Halk Respublikasyna saparynyň çäklerinde HHR-iň Başlygy Si Szinpiniň çakylygy boýunça Ikinji jahan urşunda gazanylan ýeňşiň 80 ýyllygynyň hormatyna Pekinde geçirilen dabaraly çärelere gatnaşdy diýip, TDH habar berýär.
Türkmenistanyň wekiliýetiniň Moskwa saparynyň dowamynda 15 sany ikitaraplaýyn resminama gol çekildi
Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň ýolbaşçylygynda türkmen wekiliýetiniň 6-7-nji dekabrda Moskwa iki günlük saparynyň netijeleri boýunça on bäş sany ikitaraplaýyn resminama gol çekildi. Bu barada Türkmenistanyň daşary syýasat edarasynyň saýty habar berýär.