SINOPEC hytaý kompaniýasynyň Türkmenistandaky şahamçasy 200 mln dollarlyk nebit çykardy
15:44 01.07.2026 96
Hytaýyň «SINOPEC» korporasiýasynyň Türkmenistandaky şahamçasy 4 ýylyň içinde umumy bahasy takmynan 200 million ABŞ dollaryna barabar bolan 1 million tonnadan gowrak nebit çykardy. Bu barada “Biznes Türkmenistan” neşiri habar berýär.
Hytaýyň nebithimiýa korporasiýasyna degişli bolan halkara nebit-hyzmat kompaniýasynyň bu taslamasy «Türkmennebit» döwlet konserni bilen baglaşylan şertnamanyň çäklerinde amala aşyrylýar.
Kompaniýa nebit-hyzmat işleriniň giň gerimini ýerine ýetirýär we häzirkizaman tehnologiýalarynyň ulanylmagy netijesinde bir gije-gündizde çykarylýan nebitiň möçberi 1,5 müň tonnadan gowrak artdy.
1 million tonnadan gowrak çig nebitiň çykarylmagy taslama gatnaşyjylaryň hemmesiniň bilelikde gazanan uly üstünligi bolup, bu «SINOPEC» toparynyň Türkmenistandaky hünär ussatlygyny, serişdeleri utgaşdyrmak derejesini we işe bolan jogapkärli çemeleşmesini aýdyň görkezýär.
«SINOPEC» şahamçasy, şeýle hem Şatlyk, Döwletabat, Ýaşyldepe we Bagtyýarlyk ýataklarynda geçirilen işlere gatnaşyp, ol ýerlerde guýulary burawlamak, düýpli abatlamak hem-de nebit we gaz çykarylyşyny artdyrmak boýunça taslamalary durmuşa geçirdi.
Geljekde kompaniýa Türkmenistanda häzirkizaman tehnologiýalary ornaşdyrmagy dowam etdirmegi, maýa goýlan ýataklary özleşdirmegiň netijeliligini ýokarlandyrmagy we täze taslamalary amala aşyrmagy maksat edinýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
OGT-2023 Halkara maslahatynyň we sergisiniň täze hyzmatdaşlary we gatnaşyjylary belli boldy
25-27-nji oktýabrda Aşgabatda geçiriljek OGT-2023 Halkara maslahatyna we sergisine taýýarlyk işleri ýokary depginde alnyp barylýar. Geçiriljek çäreler üçin 20 ýurtdan 150-den gowrak wekil bellige alyndy. Bu barada guramaçylar habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
«Türkmengaz» DK-nyň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi
7-nji sentýabrda «Türkmengaz» döwlet konserniniň Medeni-işewürlik merkezinde Türkmenistanyň Garaşsyzlygynyň 32 ýyllygy mynasybetli konsert geçirildi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.