Türkmenbaşy halkara deňiz portuna täze “Dostluk” tankeri gelip gowuşdy
15:04 29.06.2026 97
Nebit önümlerini daşamak üçin niýetlenen «Dostluk» atly täze tanker Türkmenbaşy halkara deňiz portuna gelip gowuşdy. Bu gämi Azerbaýjanyň Türkmenistana beren gymmatly sowgady diýip, Türkmenistan Halkara habarlar portaly 28-nji iýunda habar berdi.
Ekižanyň we täze gäminiň gelmegi mynasybetli portda dabaraly çäreler guraldy. Tankeri garşylamak üçin kenarda port gulluklarynyň wekilleri, resmi wekiller, ýaşulular we ýaşlar ýygnandylar. Milli saz gurallarynyň owazy astynda duralgada türkmen döredijilik toparlary we tans ansambllary çykyş etdiler. Myhmansöýerligiň gadymy däbine görä, gäminiň ekižasy milli nygmatlar bilen garşylandy.
«Dostluk» tankeri türkmen tarapyna Türkmenistanyň Prezidenti Serdar Berdimuhamedowyň ýakynda Baku şäherine amala aşyran döwlet saparynyň barşynda gowşurylypdy.
Türkmenistanyň söwda flotuny berkitmäge gönükdirilen bu gämi Bakuwyň gämi gurluşyk zawodynda guruldy. Tanker ekologiýanyň ähli häzirkizaman ülňülerine we deňizde ýüzmegiň howpsuzlyk talaplaryna doly jogap berýär. Gäminiň uzynlygy 141 metr, ini 17 metr, ýük göterijiligi (dedweýt) bolsa takmynan 8 müň tonna barabar. Gämi Hazar deňzinde we onuň çäklerinden daşary çig nebiti we dürli nebit önümlerini daşamak üçin niýetlenendir.
Gäminiň ady halklaryň dostlugyny alamatlandyrýar we iki ýurduň bilelikde özleşdirýän adybir uglewodorod ýatagynyň ylalaşygyna salgylanýar.
Täze tanker ýakyn günlerde özüniň ilkinji täjirçilik gatnawlaryna başlap, sebitiň ulag-üstaşyr geçelgeleriniň ösdürilmegine öz goşandyny goşar.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
«Türkmen maýa goýum kompaniýasy» ýerli işewürligi hyzmatdaşlyga çagyrýar
Türkmenistanyň Döwlet daşary ykdysady iş banky bilen BAE-niň Abu-Dabi ösüş gaznasy bilen bilelikde dünýä tejribesine laýyklykda döredilen «Türkmen maýa goýum kompaniýasy» ýapyk görnüşli paýdarlar jemgyýeti Türkmenistandan işewürleri hyzmatdaşlyga çagyrýar. Bu barada «Нейтральный Туркменистан» gazetinde habar berilýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
HHR-iň Hökümetiniň ýörite wekili bilen energetika we beýleki ugurlarda hyzmatdaşlygy giňeltmek mümkinçilikleri maslahatlaşyldy
Ýurdumyza sapar bilen gelen Hytaý Halk Respublikasynyň Hökümetiniň Ýewraziýa işleri boýunça ýörite wekili Li Hueý bilen geçirilen duşuşykda energetika, ulag, logistika we beýleki ugurlarda ikitaraplaýyn hyzmatdaşlygy mundan beýläk hem ösdürmek mümkinçilikleri maslahatlaşyldy diýip, Türkmenistanyň Döwlet habarlar agentligi habar berýär.
Türkmenistanyň Prezidenti: “Garaýyşlaryň umumylygyndan ugur alyp, Merkezi Aziýany parahat, ykdysady taýdan özüne çekiji durnukly sebit hökmünde görýäris”
Häzirki şertlerde Merkezi Aziýa ýurtlary bilen Ýewropa Bileleşiginiň arasyndaky syýasy-diplomatik hyzmatdaşlyk sebitdäki we goňşy ýurtlardaky umumy ýagdaýlara netijeli täsir etmäge ukyply diýip pikir edýäris. Bu ugurda dünýä bileleşiginiň, ozaly bilen, Birleşen Milletler Guramasynyň tagallalaryna ýardam bermeli diýip hasaplaýarys diýip, Prezident Serdar Berdimuhamedow «Merkezi Aziýa — Ýewropa Bileleşigi» görnüşindäki birinji sammitinde çykyşynda belledi.