ABŞ-nyň Prezidenti we Türkmenistanyň ilçisi ikitaraplaýyn hyzmatdaşlygy ösdürmäge gyzyklanma bildirdiler
16:55 25.05.2026 97
Ak tamda Türkmenistanyň Amerikanyň Birleşen Ştatlaryndaky Adatdan daşary we Doly ygtyýarly ilçisi Esen Aýdogdyýew Amerikanyň Birleşen Ştatlarynyň Prezidenti Donald Tramp bilen geçiren duşuşygynda türkmen-amerikan hyzmatdaşlygyny mundan beýläk hem ösdürmeklige gyzyklanmalaryny beýan etdiler. Bu barada Türkmenistanyň DIM-niň saýtynda habar berilýär
Ilçi duşuşygyň barşynda ynanç hatyny gowşurdy.
Taraplar Türkmenistan bilen ABŞ-nyň arasynda 34 ýyldan gowrak dowam edýän gatnaşyklaryň ähmiýetini we söwda-ykdysady, maýa goýum, energetika, medeniýet hem-de beýleki özara bähbitli ugurlarda hyzmatdaşlygy mundan beýläk-de ösdürmäge bolan gyzyklanmany bellediler.
Dabaranyň dowamynda Ilçi E.Aýdogdyýew ABŞ-nyň Prezidentine Türkmenistanyň Prezidenti Serdar Berdimuhamedowyň, şeýle hem türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň mähirli salamyny we iň gowy arzuwlaryny ýetirdi.
ABŞ-nyň Prezidenti Donald Tramp hem öz gezeginde Türkmenistanyň Prezidentine hem-de türkmen halkynyň Milli Liderine dostlukly salamyny ýetirmegi haýyş etdi.
Belläp geçsek, geçen hepde Türkmenistanyň ABŞ-daky ilçisi Esen Aýdogdyýew Waşingtonda Senatyň we Kongresiň wekilleri, şeýle hem ABŞ – Türkmenistan işewürler geňeşiniň agzalary bilen bolan duşuşyklarda ABŞ-nyň işewürler toparynyň Aşgabada garaşylýan saparyna taýýarlyk görlüşini ara alyp maslahatlaşdy.
Taraplar söwda-ykdysady, maýa goýum, energetika, ulag, senagat we oba hojalyk hyzmatdaşlygyny, şeýle hem hususy pudakdaky hyzmatdaşlygy giňeltmek meselelerini maslahatlaşdylar.
Serdar Berdimuhamedow: Türkmenistan energetika we ulag ulgamlaryny ösdürmekde sebit hyzmatdaşlygynyň uly geljegini görýär
Prezident Serdar Berdimuhamedow 19-njy martda Aşgabatda geçirilýän «Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny» atly halkara maslahata gatnaşyjylara iberen gutlagynda Türkmenistanyň energetika we ulag ulgamlaryny ösdürmekde sebit hyzmatdaşlygynyň uly geljegini görýändigini belledi.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
TDHÇMB-niň söwdalarynda daşary ýurtly alyjylara awiakerosin we suwuklandyrylan gaz satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.