Guýularda netijeli abatlaýyş işleriniň geçirilmegi uglewodorodlaryň çykarylyşynyň artmagyny üpjün etdi
00:44 23.04.2026 267
«Türkmennebit» döwlet konserniniň Balkan welaýatynda işleýän düzüm bölümleri şu ýylyň birinji çärýeginde nebitgaz ýataklaryny özleşdirmekde we ulanmakda ýokary netijelilik görkezdiler.
Gazanylan üstünliklere «Nebitgazdüýpliabatlaýyş» trestiniň hünärmenleri uly goşant goşdular. Olar önümi azalan guýularyň gaznasyny dikeltmäge esasy ünsi gönükdirdiler. Ýylyň başyndan bäri şeýle desgalaryň 110-sy düýpli abatlandy we gaýtadan işe girizildi, bu bolsa meýilnamada bellenilen görkezijiden alty birlik köpdür.
Abatlanylan guýularyň wagtynda ulanmaga berilmegi netijesinde nebitçiler goşmaça 24 müň tonna golaý «gara altyn» aldylar. Netijede, önümçilik meýilnamasy 105,8 göterim ýerine ýetirildi, önümçiligiň ösüş depgini bolsa 161,7 göterime deň boldy. Bu görkezijiler düýpli abatlaýyşda ulanylýan tehnologiýalaryň netijeliligini we inžener-tehniki işgärleriň hünär derejesiniň ýokarydygyny tassyklaýar.
Tebigy gaz çykarmakda hem ýokary netijeler gazanyldy. Üç aýyň dowamynda goşmaça alnan «mawy ýangyjyň» möhleti takmynan 28 müň kub metr boldy, bu bolsa meýilleşdirilen ösüş depgininden iki esseden hem köpdür.
Rekord derejeli görkezijilere ýetmekde «Goturdepe», «Barsagelmez» we «Gamyşlyja» guýulary düýpli abatlaýyş müdirlikleriniň agzybir işçi toparlary has uly goşant goşdular. Olaryň utgaşykly işi ýurduň energetika pudagynyň durnukly ösmegini üpjün edýär diýip, Türkmenistan Halkara habarlar portaly (THP) habar berýär.
Serdar Berdimuhamedow: Türkmenistan “Merkezi Aziýa – Italiýa” formatynyň çäginde köpugurly hyzmatdaşlygy giňeltmäge gyzyklanma bildirýär
30-njy maýda Prezident Serdar Berdimuhamedow Gazagystan Respublikasyna iş saparyny amala aşyrdy we «Merkezi Aziýa — Italiýa» görnüşindäki birinji sammite gatnaşdy.
Türkmenistanyň DIM-niň ýolbaşçysy Pakistanyň Senatynyň Başlygy bilen TOPH gaz geçirijisiniň gurluşygyny we beýleki meseleleri maslahatlaşdy
Türkmenistanyň DIM-nde daşary işler ministri Raşid Meredow bilen Aşgabada sapar bilen gelen Pakistanyň Senatynyň Başlygy Saýed Ýusuf Raza Gilaniniň arasynda geçirilen duşuşykda taraplar syýasy-diplomatik, söwda-ykdysady, medeni-ynsanperwer, energetika we ulag-aragatnaşyk pudaklaryndaky hyzmatdaşlygyň meseleleriniň giň toplumyny ara alyp maslahatlaşdylar. Bu barada türkmen daşary syýasat edarasynyň saýtynda habar berilýär.
Türkmenistanyň Prezidenti halkara sammite gatnaşmak üçin Saud Arabystanyna bardy
Sişenbe güni Prezident Serdar Berdimuhamedow Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň duşuşygyna gatnaşmak maksady bilen, Saud Arabystany Patyşalygyna iş saparyna ugrady.
Gurbanguly Berdimuhamedow Halk Maslahatynyň ýakynda geçiriljek mejlisiniň gün tertibiniň esasy ugurlaryny aýtdy
Gurbanguly Berdimuhamedow Türkmenistanyň Halk Maslahatynyň 24-nji sentýabrda geçiriljek mejlisine taýýarlyk görmek bilen bagly işleriň çäginde milli ykdysadyýetiň pudaklarynyň ykdysady we maliýe görkezijileriniň içgin seljerilmelidigini belläp, bu babatda aýratyn möhüm hasaplanýan alty ugur barada aýtdy diýip, TDH habar berýär.
Türkmenistanyň Prezidenti Owganystanyň häzirki häkimiýetleri bilen halkara dialogy ýola goýmaga çagyrdy
Prezident Serdar Berdimuhamedow 30-njy maýda Astana şäherinde «Merkezi Aziýa — Italiýa» görnüşindäki birinji sammitinde eden çykyşynyň barşynda Türkmenistanyň Owganystanyň häzirki häkimiýetleri bilen halkara dialogy ýola goýmak boýunça netijeli işleri geçirmegi dowam etmegi möhüm hasaplaýandygyny belledi.