CNPC-niň ýanyndaky jogapkärçiligi çäkli Çuançin buraw inženerçilik kompaniýasynyň şahamçasy Türkmenistanda “Galkynyş” gaz käninde ýygy-ýygydan gaýtalanýan çäge süýşgünleri we ösümlikleriň pes ösüjiligi netijesinde ýüze çykýan topragyň ýel şorlaşmagyna garşy göreşmek boýunça taslamany durmuşa geçirýär. Bu barada CNPC-niň metbugat beýanynda aýdylýar.

Ýagşygeldi Kakaýew adyndaky Halkara nebit we gaz uniwersiteti we Petronas Carigali (Turkmenistan) Sdn Bhd kompaniýasy Özara düşünişmek hakynda Ähtnama gol çekdiler diýip, Türkmenistan Habarlar portaly habar berýär.

Dünýäde “arassa” energiýa we onuň infrastrukturalaryna maýa goýumlar 2024-nji ýylda iki trillion dollara barar. Bu barada BMG-niň Howanyň üýtgemegi baradaky Çarçuwaly konwensiýasynyň ýerine ýetiriji sekretary Saýmon Stil Bakuwda geçirilýän COP29 mejlisinde eden çykyşynda aýtdy.

Türkmenistanyň wekiliýeti howanyň üýtgemegi bilen bagly 11-nji noýabrda Baku şäherinde badalga alan BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň konferensiýasynyň 29-njy mejlisine (COP29) gatnaşýar. Bu barada Türkmenistanyň DIM-niň saýtynda habar berilýär.

11-12-nji noýabrda Aşgabat şäherinde bilermenler derejesinde halkara duşuşyk we Möhüm energetika infrastrukturasyny terrorçylykly hüjümlerden goramak boýunça tehniki gollanmanyň halkara derejesinde ilkinji tanyşdyryş maslahaty geçirildi. Bu barada Türkmenistanyň DIM-nde habar berdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 13-si hasaba alyndy.

11-nji noýabrda Türkmenistanyň daşary işler ministri Raşid Meredow BMG-niň Türkmenistandaky Hemişelik utgaşdyryjysy Dmitriý Şlapaçenko bilen duşuşyk geçirdi. Duşuşygyň dowamynda taraplar Türkmenistan bilen BMG we onuň ýöriteleşdirilen edaralarynyň arasyndaky hyzmatdaşlygyň wajyp ugurlary boýunça pikir alyşdylar diýip, Türkmenistanyň DIM-niň saýtynda habar berilýär.

Türkmenistanda on aýyň netijeleri boýunça jemi içerki önüm 6,3 göterim artdy. Bu barada Ministrler Kabinetiniň Başlygynyň orunbasary H.Geldimyradow şu ýylyň on aýynda gazanylan makroykdysady görkezijiler barada hasabatynyň çäklerinde Hökümet mejlisinde habar berdi.

9-njy noýabrda Türkmenistanda geçirilen ählihalk bag ekmek dabarasynyň çäklerinde ýurdumyz boýunça agaç nahallarynyň 539 müň 185 düýbi ekildi. Dabara Prezident Serdar Berdimuhamedow hem-de Hökümet agzalary, diplomatik wekilhanalaryň we jemgyýetçiligiň wekilleri gatnaşdy.

9-njy noýabrda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 8-nji noýabrda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ugurlary kesgitlenildi.

8-nji noýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň on aýynda alnyp barlan işleriň jemleri jemlenildi hem-de ýurdumyzy durmuş-ykdysady taýdan ösdürmek boýunça gündelik wezipeler ara alnyp maslahatlaşyldy.

7-nji noýabrda Türkmenistanyň daşary işler ministri Raşid Meredow ABŞ-nyň Döwlet sekretarynyň Energetika serişdeleri boýunça kömekçisi Jeffri Paýett bilen wideoaragatnaşyk ulgamy arkaly duşuşyk geçirdi. Onuň barşynda Ählumumy metan borçnamasy boýunça hyzmatdaşlyk maslahatlaşyldy diýip, Türkmenistanyň DIM-nde habar berdiler.

Türkmenistanyň nebitgaz toplumy şu ýylyň 4-7-nji noýabry aralygynda Abu-Dabide geçirilen ADIPEC (Abu Dhabi International Petroleum Exhibition and Conference) sergisine gatnaşdy. ADIPEC sergisi nebitgaz pudagynda dünýäde iň iri meýdançalaryň biri bolup, ol her ýyl on müňlerçe öňdebaryjy bilermenleri, dünýäniň energetika kompaniýalarynyň liderlerini we wekillerini ýygnaýar.

Türkmenistan «Merkezi Aziýa – Koreýa Respublikasy» formatynyň çäklerinde giň gerimli hyzmatdaşlyk gatnaşyklaryna ygrarlylygyny beýan edýär. Bu barada Seul şäherinde Günorta Koreýanyň Daşary işler ministri Ço The Ýulyň ýolbaşçylygynda 17-nji «Merkezi Aziýa – Koreýa Respublikasy» hyzmatdaşlyk forumy geçirildi. Bu barada Türkmenistanyň DIM-niň web-saýtynda habar berilýär.

Prezidenti Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan jenap Donald Trampa Amerikanyň Birleşen Ştatlarynyň Prezidenti wezipesine saýlanmagy mynasybetli tüýs ýürekden gutlaglaryny iberdi.