3-nji fewralda daşary işler ministriniň orunbasary A.Gurbanowyň ýolbaşçylygyndaky Türkmenistanyň wekiliýeti Tähran şäherinde geçirilen Ykdysady hyzmatdaşlyk guramasyna (YHG) agza ýurtlaryň Daşary işler ministrleriniň orunbasarlarynyň ýokary derejeli komitetiniň birinji mejlisine gatnaşdy diýip, Türkmenistanyň DIM-nde habar berdiler.

Yslamabatda Türkmenistanyň Pakistandaky ilçisi Atajan Möwlamowyň Azerbaýjanyň, Gazagystanyň, Gyrgyzystanyň we Özbegistanyň diplomatlary bilen geçiren duşuşygynda energetika, söwda we ulag ulgamlaryna hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada 2-nji fewralda, ýekşenbe güni, Türkmenistan Halkara habarlar merkezi Türkmenistanyň Pakistandaky ilçihanasyndan alnan maglumata salgylanyp habar berýär.

Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan «Türkmengaz» döwlet konserniniň Medeni-işewürlik merkezinde «Parahatlyk nury örtüp Zemini, geldi Pyragynyň diýen zamany» atly dabaraly maslahat geçirildi. Oňa toplumyň edara-kärhanalarynyň işgärleri gatnaşdylar.

19-20-nji fewralda Aşgabatda Ykdysady hyzmatdaşlyk boýunça hökümetara türkmen-türk toparynyň sekizinji mejlisi geçiriler diýip, TDH habar berýär.

Anna güni geçirilen Hökümet mejlisiniň barşynda Ministrler Kabinetiniň Başlygynyň orunbasary B.Annamämmedow ýurdumyzyň himiýa senagatyny ösdürmek, hususan-da, “Türkmenhimiýa” döwlet konserniniň garamagyndaky kärhanalaryň maddy-enjamlaýyn binýadyny mundan beýläk-de döwrebaplaşdyrmak boýunça alnyp barylýan işler barada hasabat berdi.

31-nji ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň durmuşyna degişli birnäçe meselelere garaldy diýip TDH habar berýär.

«Türkmengazüpjünçilik» birleşiginiň gurluşyk-gurnama müdirliginiň hünärmenleri Daşoguz welaýatynyň oba sebitlerini gazlandyrmak ugrunda netijeli işleri alyp barýarlar. 2024-nji ýylda olar dürli basyşdaky täze gaz geçirijileriniň 60 kilometrini gurdular.

Aşgabatda 29-30-nji aprelde «Türkmenistanda halkara standartlaryna laýyklyk gelýän hil kepilligi» atly Halkara maslahat geçiriler. Bu barada Türkmenistan Halkara habarlar merkezi «TurkmenExpo» kompaniýasyna salgylanyp habar berýär.

Aşgabat Bişkek bilen energetika pudagynda hyzmatdaşlygy mundan beýläk hem ösdürmäge, ony giňeltmäge we diwersifikasiýalaşdyrmaga taýýar. Bu barada Türkmenistanyň Halk Maslahatynyň Başlygy Gurbanguly Berdimuhamedow Gyrgyz Respublikasynyň Prezidenti Sadyr Žaparow bilen telefon arkaly söhbetdeşliginde belledi diýip, TDH habar berýär.

29-njy ýanwarda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Gyrgyz Respublikasynyň Prezidenti Sadyr Žaparowyň arasynda telefon arkaly söhbetdeşlik boldy. Onuň dowamynda ikitaraplaýyn hyzmatdaşlygyň möhüm meseleleri boýunça pikir alşyldy diýip, TDH habar berdi.

Prezidenti Serdar Berdimuhamedow Türkmenistanyň halkynyň we Hökümetiniň adyndan, şeýle hem öz adyndan Hytaý Halk Respublikasynyň Başlygy Si Szinpine Bahar baýramy mynasybetli tüýs ýürekden gutlaglaryny, iň gowy arzuwlaryny iberdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 17-si hasaba alyndy.

27-nji ýanwarda Tokio şäherinde iki ýurduň Daşary işler ministrlikleriniň arasynda türkmen-ýapon syýasy geňeşmeleri geçirildi. Duşuşygyň dowamynda ikitaraplaýyn gün tertibiniň ähli toplumy, şol sanda nebitgaz topumy boýunça okgunly ösdürilýändigi nygtaldy. Bu barada Türkmenistanyň DIM-i habar berýär.

26-27-nji ýanwarda Türkmenistanyň daşary işler ministri Raşid Meredowyň ýolbaşçylygyndaky türkmen wekiliýeti Özbegistan Respublikasynda saparda boldy. Saparyň çäklerinde birnäçe ikitaraplaýyn duşuyklar geçirildi.

Prezident Serdar Berdimuhamedow “Türkmenistany 2025-nji ýylda durmuş-ykdysady taýdan ösdürmegiň we maýa goýum Maksatnamasynyň” taslamasyny makullady. Taslamanyň taýýarlyk işleri barada wise-premýer H.Geldimyradow geçen anna güni Hökümet mejlisinde hasabat berdi diýip, TDH habar berýär.