29-njy iýunda Prezident Serdar Berdimuhamedow ýurdumyza sapar bilen gelen «Daewoo Engineering & Construction Co., Ltd.» kompaniýasynyň müdiriýetiniň başlygy Jong Won-juwy kabul etdi. Bu barada TDH habar berýär.

26-njy iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.

Nebit önümlerini daşamak üçin niýetlenen «Dostluk» atly täze tanker Türkmenbaşy halkara deňiz portuna gelip gowuşdy. Bu gämi Azerbaýjanyň Türkmenistana beren gymmatly sowgady diýip, Türkmenistan Halkara habarlar portaly 28-nji iýunda habar berdi.

29-njy iýunda Prezident Serdar Berdimuhamedow ýurdumyza sapar bilen gelen “Toyo Engineering Corporation” kompaniýasynyň prezidenti, Baş ýerine ýetiriji direktory, wekilçilik müdiri Eiji Hosoini kabul etdi. Bu barada TDH habar berýär.

29-njy iýunda Prezident Serdar Berdimuhamedow ýurdumyza sapar bilen gelen «Kawasaki Heavy Industries Ltd.» kompaniýasynyň wise-prezidenti Kenji Sanadany kabul etdi. Bu barada TDH habar berýär.

24-nji iýunynda Astana şäherinde Türkmenistan bilen Gazagystanyň arasynda Ykdysady, ylmy-tehniki we medeni hyzmatdaşlyk boýunça Bilelikdäki hökümetara türkmen-gazak toparynyň nobatdaky mejlisi geçirildi. Bu barada Türkmenistanyň DIM-nde habar berdiler.

Türkmenistanyň ABŞ-daky ilçisi Esen Aýdogdyýew Waşingtonda amerikaly senator Stiw Deýns bilen onuň edarasynda duşuşyk geçirdi.

22-nji iýunda Pekindäki Hytaý nebit uniwersitetinde Ýagşygeldi Kakaýew adyndaky Halkara nebit we gaz uniwersitetiniň professor-mugallymlar düzümi üçin hünär derejesini ýokarlandyryş okuwlarynyň açylyş dabarasy geçirildi. Bu çäre bilelikdäki Türkmen-Hytaý energetika okuw merkeziniň binýadynda guraldy. Bu barada “Türkmenistan: Altyn asyr” elektron neşirinde habar berilýär.

Türkmenistanyň Döwlet daşary ykdysady iş bankynyň başlygy Rahymberdi Jepbarowyň ýolbaşçylygyndaky türkmen wekiliýeti Wena şäherinde geçirilýän OPEK-iň Ösüş forumy — 2026-a gatnaşýar. Bu barada 24-nji iýunda Türkmenistanyň Halkara habarlar merkezi habar berýär.

Türkmenistanyň Döwlet energetika institutynyň «Gaýtadan dikeldilýän energiýa çeşmeleri» ylmy-önümçilik merkeziniň hünärmenleri 2026-njy ýylyň 8 — 14-nji iýuny aralygynda goňşy Özbegistan Respublikasynyň Garagalpagystan Respublikasyna we Daşkent şäherine örän ähmiýetli we netijeli iş saparyny amala aşyrdy.

22-nji iýunda Azerbaýjanyň we Türkmenistanyň Prezidentleri Serdar Berdimuhamedow hem-de Ilham Aliýew Azerbaýjan Respublikasy tarapyndan Türkmenistana “Dostluk” nebit tankeriniň gowşurylmagy mynasybetli dabara gatnaşdylar. Bu barada TDH habar berýär.

22-nji iýunda Prezident Serdar Berdimuhamedow Azerbaýjan Respublikasyna döwlet saparynyň çäklerinde Ilham Aliýew bilen gepleşikleri geçirdi. “Zagulba” köşgünde ikitaraplaýyn hem-de giňişleýin düzümde gepleşikler geçirildi diýip, TDH habar berýär.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 27-si hasaba alyndy. Daşary ýurt puluna Birleşen Arap Emirlikleriniň, Türkiýäniň, Owganystanyň we Özbegistanyň işewür toparlarynyň wekilleri “Türkmennebit” döwlet konserniniň kärhanasynda öndürilen suwuklandyrylan gazy, gidro usulda arassalanan dizel ýangyjyny, şeýle hem «Türkmenhimiýa» döwlet konserniniň kärhanasynda öndürilen suwuklandyrylan gazy, kükürtden arassalanan dizel fraksiýasyny we motor ýagyny satyn aldylar.

Nebitgaz ulgamynda özara gatnaşyklar Türkmenistan bilen Malaýziýanyň uzak möhletli ykdysady we maýa goýum hyzmatdaşlygynyň möhüm şerti bolup çykyş edýär. Bu barada Prezident Serdar Berdimuhamedow «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahatda eden çykyşynda belledi. Bu barada TDH habar berýär.

19-njy iýunda Prezident Serdar Berdimuhamedow bilen Malaýziýanyň Premýer-ministri Anwar Ibrahimiň arasynda ikitaraplaýyn gepleşikler geçirildi. Malaýziýanyň Premýer-ministriniň ýolbaşçylygyndaky wekiliýet ýurdumyza resmi sapar bilen geldi. Bu barada TDH habar berýär.