Prezident Serdar Berdimuhamedow Hökümet agzalaryna 1-nji awgustdan dynç alşa çykmaga rugsat berdi.

Türkmenistanyň dünýäde energetika ulgamyndaky ornuny has-da pugtalandyrmak, daşky gurşawy goramak bilen bagly halkara borçnamalaryna ygrarlylygyny görkezmek ugrunda amala aşyrýan işleri aýratyn bellenmäge mynasypdyr.

«Türkmengaz» döwlet konserniniň Ylmy-barlag tebigy gaz institutynyň (YBTGI) barlaghanalarynda Ýagşygeldi Kakaýew adyndaky Halkara nebit we gaz uniwersitetiniň talyplary okuw-tanyşlyk tejribeligini geçdiler.

Halkara parahatçylyk we ynanyşmak ýylynyň 12-nji iýulynda Türkmenistanyň nebitgaz toplumynyň merkezi binasynda alty aýda ýerine ýetirilen işleriň jemlerine bagyşlanan hasabat ýygnagy geçirildi. Onda 11-nji iýulda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň alty aýynda alnyp barlan işleriň netijelerine bagyşlap geçiren Türkmenistanyň Ministrler Kabinetiniň giňişleýin mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.

11-nji iýulda Prezident Serdar Berdimuhamedow Ministrler Kabinetiniň giňişleýin mejlisini geçirdi. Mejlisde şu ýylyň geçen alty aýynda alnyp barlan işleriň jemleri jemlenildi, ýurdumyzy durmuş-ykdysady taýdan ösdürmek boýunça kabul edilen maksatnamalaryň ýerine ýetirilişi ara alnyp maslahatlaşyldy. Şeýle hem ýolbaşçylary wezipä bellemek we wezipeden boşatmak bilen bagly meselelere seredildi. Ministrler Kabinetiniň Başlygynyň orunbasarlarynyň, käbir ýolbaşçylaryň, welaýatlaryň häkimleriniň hasabatlary diňlenildi diýip, TDH habar berýär.

Türkmenistanda 2025-nji ýylyň ýanwar — iýun aýlarynda 38 milliard 991,4 million kub metr tebigy gaz, 4 million 91,5 müň tonna nebit çykaryldy.

Penşenbe güni, 10-njy iýulda Türkmenistanyň Döwlet haryt-çig mal biržasynda daşarky bazarda bolşy ýaly, içerki bazarda hem uly geleşikler hasaba alyndy.

9-njy iýulda Balkan welaýatynda iş saparynda bolýan Türkmenistanyň Halk Maslahatynyň Başlygy Gurbanguly Berdimuhamedow BMG-niň Deňze çykalgasy bolmadyk ösüp barýan döwletler boýunça üçünji halkara maslahatynyň çäklerinde dürli derejedäki duşuşyklaryň geçiriljek ýeri bolan Kongresler merkezine bardy. Bu barada TDH habar berýär.

Türkmenistan Ýewropa Bileleşigi bilen bilelikdäki taslamalary işjeň durmuşa geçirmäge gyzyklanmasyny tassyklady. Bu barada Brýusselde Merkezi Aziýa ýurtlarynyň ÝB-niň ýanyndaky ilçileri bilen Ýewropa Komissiýasynyň Halkara hyzmatdaşlyk boýunça Baş direktoratynyň sebit direktory Peteris Ustupsyň duşuşygynyň dowamynda agzalyp geçildi. Bu barada Türkmenistanyň Habarlar merkezi resmi saýtynda habar berilýär.

7-nji iýulda Brýusselde Ýewropanyň iň täsirli energetika platformalarynyň biri bolan Brussels Energy Club-yň hünärmenler derejesindäki tegelek stoly geçirildi. Türkmenistan “ÝB-niň gaz importynyň orta möhletleýin geljegi we eksport ediji ýurtlaryň strategiýalary” mowzugyndaky pikir alyşmalaryň merkezinde boldy. Forumda ýurdumyzyň global energetika bazarynyň geljegi baradaky garaýşy beýan edildi diýip, Orient agentligi habar berýär.

Mary welaýaty boýunça nebitgaz pudagynyň hünärmenleriniň hünär derejesini ýokarlandyrmak boýunça maksatnama üstünlikli durmuşa geçirilýär. Türkmenistanyň Prezidentiniň beren tabşyryklaryna laýyklykda we hünär bilim ulgamyny döwrebaplaşdyrmagyň çäklerinde geçen ýyl Mary nebitgaz orta hünär okuw mekdebiniň binýadynda “Türkmengaz” döwlet konserniniň okuw merkeziniň okuw bölümi açyldy.

Awgust aýynda “Awaza” milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň çäklerinde maslahata gatnaşýan ýurtlaryň hem-de ýurdumyzyň ýeten derejesine degişli maglumatlary beýan edýän sergiler guralar diýip, TDH habar berýär.

«Türkmengaz» DK-nyň Gökderedäki «Nesil» çagalar sagaldyş merkezinde tomusky dynç alyş möwsüminiň hem-de Halkara parahatçylyk we ynanyşmak ýylynyň çäklerinde «Sport – milletiň saglygy» atly sport bäsleşigi geçirildi.

Türkmenistanyň Yslamabatdaky ilçihanasynda Halkara parlamentariler kongressiniň (IPC) Baş sekretary, senator hanym Sitara Aýazyň ýolbaşçylygyndaky wekiliýet bilen duşuşyk geçirildi. Duşuşygyň dowamynda Türkmenistan bilen IPC-niň arasynda parlamentara gatnaşyklary ösdürmegiň ýollary ara alnyp maslahatlaşyldy diýip, Türkmenistanyň DIM-i habar berýär.

4-nji iýulda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.