Italiýayň Daşary işler ministrliginiň edara binasynda Türkmenistanyň Italiýadaky ilçisi T.Kömekowyň Italiýanyň daşary işler we halkara hyzmatdaşlygy ministriniň orunbasary E.Çiriýelli bilen duşuşygy geçirildi. Bu barada 4-nji sentýabrda Türkmenistanyň DIM-nde habar berdiler.

2025-nji ýylda Türkmenistanyň Maýa goýum forumyny (TIF 2025) geçirmek boýunça guramaçylyk komiteti çäräniň geçiriljek ýerini üýtgetdi. Forum 18–19-njy sentýabrda Hazar deňziniň kenaryndaky Awaza syýahatçylyk zolagynyň maslahatlar merkezinde geçiriler. Bu barada ORIENT habar berýär.

3-nji sentýabrda Prezident Serdar Berdimuhamedow Hytaý Halk Respublikasyna saparynyň çäklerinde HHR-iň Başlygy Si Szinpiniň çakylygy boýunça Ikinji jahan urşunda gazanylan ýeňşiň 80 ýyllygynyň hormatyna Pekinde geçirilen dabaraly çärelere gatnaşdy diýip, TDH habar berýär.

Häzirki zaman dünýäsinde «ýaşyl» tehnologiýalaryň we galyndysyz önümçilik konsepsiýasynyň has gymmatly bolýan döwründe bioenergetika birinji oruna çykýar. Bioenergetika — organiki galyndylardan energiýany öndürmek usuly. Bu diňe bir özüni elektrik energiýa we ýylylyk bilen üpjün etmegiň usuly bolman, eýsem, ozal «zibil» bolan zady Türkmenistanyň gülläp ösýän geljegi üçin gymmatly çeşmä öwürmek bilen daşky gurşaw meseleleriniň täsirli çözgüdidir.

Prezident Serdar Berdimuhamedow HHR-iň Başlygy Si Szinpini Türkmenistanyň Bitaraplygynyň 30 ýyllygy mynasybetli 12-nji dekabrda Aşgabatda geçiriljek halkara foruma çagyrdy diýip, TDH habar berýär.

2-nji sentýabrda Hytaý Halk Respublikasynda iş saparynda bolýan Prezident Serdar Berdimuhamedow HHR-iň Başlygy Si Szinpin bilen gepleşikleri geçirip, gaz ulgamynda hyzmatdaşlygyň geljegini maslahatlaşdy diýip, TDH habar berýär.

Hytaý Halk Respublikasynda iş saparynda bolýan Prezident Serdar Berdimuhamedow Şanhaý Hyzmatdaşlyk Guramasynyň sammitinde eden çykyşynda ulag ulgamynda gatnaşyklary işjeňleşdirmäge çagyrdy.

1-nji sentýabrda Hytaý Halk Respublikasynda iş saparynda bolýan Prezident Serdar Berdimuhamedow Şanhaý Hyzmatdaşlyk Guramasynyň sammitine gatnaşdy diýip, TDH habar berýär.

Daşky gurşawy goramak babatynda döwlet syýasatynyň strategik maksady ähli ýerde «ýaşyl» ykdysadyýetiň ýörelgelerini ornaşdyrmagyň we tebigy ulgamlary mümkin bolan derejede saklap galmagyň esasynda jemgyýetiň we raýatlaryň ýaşaýşy we işi üçin ekologiýa taýdan amatly şertleri üpjün etmek bolup durýar

31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň (ŞHG) sammitine hem-de Ikinji jahan urşunda gazanylan ýeňşiň 80 ýyllygyna bagyşlanan dabaralara gatnaşmak üçin Hytaý Halk Respublikasyna iş sapary bilen ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary ugratdylar diýip, TDH habar berýär.

Türkmenistan bilen Hytaýyň arasynda energetika ulgamynda hyzmatdaşlyk dowam eder we ösdüriler. Bu barada Prezident Serdar Berdimuhamedow Türkmenistanyň wekiliýetiniň Hytaýa saparynyň öň ýanynda “Ženmin Žibao” gazetinde makalasynda beýan etdi.

Halkara parahatçylyk we ynanyşmak ýylynyň 30-njy awgustynda Türkmenistanyň nebitgaz toplumynyň merkezi binasynda sekiz aýda ýerine ýetirilen işleriň jemlerine bagyşlanan hasabat ýygnagy geçirildi. Onda 29-njy awgustda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň sekiz aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.

29-njy awgustda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň sekiz aýynda ýurdumyzda alnyp barlan işleriň jemleri jemlenildi diýip, TDH habar berýär.

Russiýa bilen Türkmenistan söwda-ykdysady hyzmatdaşlygy ösdürmäge, şol sanda ulag-logistika we energetika taslamalary ugrunda hyzmatdaşlyk etmäge taýýardyr diýip, RF-niň daşary işler ministri Sergeý Lawrow Türkmenistanyň DIM-niň ýolbaşçysy Raşid Meredow bilen geçiren gepleşikleriniň netijeleri boýunça Interfaks aýtdy.

Türkmenistanyň DIM-niň ýolbaşçysy Raşid Meredow metbugat ýygnagynda russiýaly kärdeşi Sergeý Lawrow bilen Hazar meselelerini ara alyp maslahatlaşandygyny, olara sebitiň döwletleriniň iň gysga wagtda seredip başlajakdygyny mälim etdi diýip, TASS habar berýär.