BOTAŞ türk döwlet energetika kompaniýasynyň wekiliýeti türkmen gazyny Türkiýä ibermek meseleleri boýunça ýakynda Türkmenistanyň nebitgaz konsernleriniň wekilleri bilen duşuşyklary geçirdiler. Duşuşyklaryň barşynda Türkmenistan bilen Türkiýäniň arasynda ygtybarly gatnaşyklar bellenilip geçildi, şeýle hem iki ýurduň Liderleriniň syýasy erkine laýyklykda, türkmen gazyny Türkiýä ibermekde BOTAŞ kompaniýasynyň taýýarlygy nygtaldy diýlip, kompaniýanyň beýanatynda bellenilýär. Bu barada Daily Sabah neşiri habar berýär.

Daşary işler ministrliginiň binasynda Türkmenistanyň Daşary işler ministri Raşid Meredow bilen Ýaponiýanyň Daşary işler ministrliginiň Merkezi Aziýa, Kawkaz we GUAM boýunça ýörite wekili Ikegami Masakiniň arasynda geçirilen duşuşykda 2024-nji ýylda Astanada meýilleşdirilýän Merkezi Aziýa we Ýaponiýanyň birinji ýokary derejeli Sammitini geçirmek bilen bagly taýýarlyk işlerini ara alyp maslahatlaşdylar diýip, Türkmenistanyň daşary syýasat edarasynyň saýty habar berýär.

“Türkmengaz” döwlet konserni “Galkynyş” käninde 14 sany täze guýynyň gurluşygynda serwis hyzmatlaryny bermek üçin potratçylary saýlamak boýunça halkara bäsleşigini yglan etdi. Degişli bildiriş Türkmenistanyň habar beriş serişdelerinde çap edildi.

“Türkmennebit” döwlet konserniniň Nebitgazylmytaslama ylmy-taslama barlag institutynyň alymlary plast suwlaryny arassalamak boýunça işläp taýýarlamalaryny ornaşdyrdylar.

“Akylly” şäher Arkadagy we ýurdumyzyň paýtagtyny Türkmenistanda hereket etjek ilkinji elektrikli otly birleşdirer. Otly bu aralygy bary-ýogy 18 minutda geçer.

Türkmenistanyň gazhimiýa pudagyny ösdürmegiň ileri tutulýan ugurlarynyň biri hem kükürt önümçiligi we eksportydyr. Russiýadan, Şweýsariýadan, Owganystandan we beýleki ýurtlardan bolan kompaniýalarda bu önüme bolan isleg artýar diýip, tehniki ylymlaryň doktory Allaberdi Ylýasow hasaplaýar. Bu barada ol CentralAsia.news neşirine beren interwýusynda belleýär.

Türkmenistan Ýewropa bilen Aziýanyň arasynda möhüm ulag merkezine öwrülip biler. Biziň ýurdumyz Hazar deňzinde häzirkizaman port infrastrukturasynyň bolmagy bilen, materikde ýükleriň üstaşyr geçmegi üçin halkara ulag hökmünde ähmiýeti diňe artýar, diýip Ministrler Kabinetiniň ýanyndaky Ulag we kommunikasiýalar agentliginiň Baş direktorynyň orunbasary Batyr Annaýew maýadarlar forumyna mälim etdi. Bu barada “Türkmendeňizderýaýollary” agentliginiň saýtynda habar berilýär.

Türkmenistanyň Prezidenti Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetine maslahat beriş hyzmatlaryny ýerine ýetirmek barada Germaniýa Federatiw Respublikasynyň “Goetzpartners Emerging Markets GmbH” kompaniýasy bilen şertnama baglaşmaga ygtyýar berýän resminama gol çekdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 26-sy hasaba alyndy.

“Türkmennebit” döwlet konserniniň Türkmenbaşydaky nebiti gaýtadan işleýän zawodlar toplumynda nebit önümleriniň täze görnüşleriniň önümçiligi ýola goýuldy. Bu barada 26-njy ýanwarda geçirilen Hökümet mejlisiniň barşynda wise-premýer Batyr Amanow hasabatynyň çäginde habar berdi.

Ýurdumyzda ilatly nokatlaryň, önümçilik desgalarynyň, medeni-hojalyk maksatly binalaryň gaz bilen üpjünçilik meseleleri we içerki sarop edijileri tebigy gaz bilen üznüksiz üpjün etmeklik Türkmenistanyň döwlet Baştutanynyň hemişe üns merkezinde saklanýar.

25-nji ýanwarda Türkiýäniň Türkmenistandaky Adatdan daşary we Doly ygtyýarly ilçisi Ahmet Demirok özüniň rezidensiýasynda geçirilen press-konferensiýada türkmen tebigy gazyny we elektrik energiýasyny ýakyn günlerde günbatar bazaryna daşamak boýunça işlere başlanmagyna umyt bildirýändigini aýtdy.

23-nji ýanwarda Türkmenistanyň Daşary işler ministri Raşid Meredow Ýaponiýanyň sanly ulgam işleri boýunça ministri Taro Kono bilen duşuşdy diýip, Türkmenistanyň DIM-i habar berýär.

“Türkmengeologiýa” döwlet korporasiýasynyň Balkan welaýat gidrogeologiýa ekspedisiýasynyň hünärmenleri 2023-nji ýylda 6353 pogon metr guýularda iş geçirdiler, bu bellenilen meýilnamadan 1123 metr artykdyr.

Ýaponiýa amala aşyrylan iş saparynyň dowamynda, 22-23-nji ýanwarda Türkmenistanyň Daşary işler ministri Raşid Meredowyň ýolbaşçylygyndaky türkmen wekiliýeti Ýaponiýanyň daşary söwda guramasynyň (JETRO) ýerine ýetiriji direktory hem-de başlygy Işiguro Norohiko we Eksport we maýa goýum ätiýaçlandyryş guramasynyň (NEXI) ýerine ýetiriji diektory hem-de başlygy Asuo Kuroda bilen duşuşyklary geçirdi diýip, Türkmenistanyň DIM-niň saýty habar berýär.