Berkarar döwletiň täze eýýamynyň Galkynyşy döwründe ýurdumyzyň milli ykdysadyýetiniň esasy pudaklarynyň biri bolan nebitgaz ulgamy täze ösüşlere eýe bolýar. «Türkmengaz» döwlet konserniniň gazçylary hormatly Prezidentimiz Arkadagly Gahryman Serdarymyzyň döwletimizde tebigy gazyň çykarylýan möçberini artdyrmak boýunça berýän gaýragoýulmasyz tabşyryklary esasynda tutanýerli zähmet çekip, «Pähim-paýhas ummany Magtymguly Pyragy» ýylynyň her bir aýyny üstünliklere besleýärler.

Türkmenistandan Türkiýä çenli Hazar deňziniň düýbi bilen gaz geçirijisiniň döredilmegi bu ýurtlar üçin bähbitli bolar we Ýewropa Bileleşiginiň energetika howpsuzlygyny üpjün etmäge kömek eder. Bu barada žurnalistlere ABŞ-nyň Türkmenistandaky ilçisi Elizabet Rud habar berdi diýip, TASS belleýär.

Geljek hepdede Aşgabatda Türkmenistanyň Maýa goýum forumy – TIF 2024 geçiriler. Onda milli ykdysadyýeti ösdürmegiň strategiýasy, daşary ýurt maýa goýumlaryny çekmek we halkara hyzmatdaşlygyny berkitmek meseleleri maslahatlaşylar. Forum giň gerimli bolar, çünki oňa 500-den gowrak wekil gatnaşar, şol sanda düzlet düzüminiň, hususy ulgamyň, halkara guramalarynyň we daşary ýurt maýadarlarynyň wekilleri gatnaşar.

Stokgolmda türkmen-şwed syýasy geňeşlemeleri geçirildi. Olaryň barşynda ikitaraplaýyn gatnaşyklary ösdürmegiň mümkinçilikleri maslahatlaşyldy diýip, Türkmenistanyň DIM-inde habar berilýär.

Aziýa ösüş banky hereketlendiriji güýji innowasion hususy telekeçilik bolan bäsdeşlige ukyply, diwersifisirlenen we ylmy bilimlere esaslanýan ykdysadyýete gönükdirilen Türkmenistan bilen hyzmatdaşlygynyň täze strategiýasyny işe girizdi diýip, bankyň sebitleýin edarasy habar berdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 15-si hasaba alyndy.

Aşgabat 10-11-nji sentýabrda geçiriljek TIF-2024 Maýa goýum forumyny kabul etmäge taýýarlyk görýär. Türkmenistanyň Maliýe we ykdysadyýet ministrliginiň, Daşary işler ministrliginiň we SÖwda-senagat edarasynyň guramagynda geçiriljek foruma eýýäm 35 döwletden 350-den gowrak wekil hasaba alyndy.

Prezident Serdar Berdimuhamedow “Türkmengaz” döwlet konsernine Mary welaýatynda “Şatlyk-1” gaz gysyjy desgasynyň taslamasyny düzmek, ony gurmak, zerur enjamlar bilen üpjün etmek we goýberiş-sazlaýyş işlerini ýerine ýetirmek barada Türkiýe Respublikasynyň “Çalik Enerji Sanayi ve Ticaret A.Ş.” kompaniýasy bilen şertnama baglaşmaga ygtyýar berýän resminama gol çekdi. Degişli resminama türkmen metbugatynda çap edildi.

Ýurdumyzda şu ýylyň ýedi aýynda ýerine ýetirilen işleriň netijeleri kabul edilen maksatnamalaryň üstünlikli durmuşa geçirilýändigini görkezýär. Hasabat döwründe jemi içerki önümiň ösüş depgininiň 6,3 göterime deň bolmagy munuň aýdyň güwäsidir. Bu barada Prezident Serdar Berdimuhamedow geçen anna güni geçirilen Hökümet mejlisinde aýtdy. Mejlisiň dowamynda şu ýylyň ýedi aýynda alnyp barlan işleriň jemleri jemlenildi, şeýle hem ýurdumyzy durmuş-ykdysady taýdan ösdürmek boýunça möhüm meselelere garaldy.

31-nji awgustda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi.

Türkmenistanyň Prezidentiniň gol çeken Kararyna laýyklykda, “Türkmengaz” döwlet konsernine Mary welaýatynda “Şatlyk-1” gaz gysyjy desgasynyň taslamasyny düzmek, ony gurmak, zerur enjamlar bilen üpjün etmek we goýberiş-sazlaýyş işlerini ýerine ýetirmek barada Türkiýe Respublikasynyň “Çalik Enerji Sanayi ve Ticaret A.Ş.” kompaniýasy bilen şertnama baglaşmaga ygtyýar berildi diýip, TDH habar berýär.

30-njy awgustda Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda şu ýylyň ýedi aýynda alnyp barlan işleriň jemleri jemlenildi, şeýle hem ýurdumyzy durmuş-ykdysady taýdan ösdürmek boýunça möhüm meselelere garaldy.

30-njy awgustda Aşgabatda Türkmenistanyň we Owganystanyň wekiliýetleriniň duşuşygynyň netijeleri boýunça ýangyç-energetika we ulag ulgamlarynda hyzmatdaşlyk hakynda resminamalara gol çekildi diýip, TDH habar berýär.

Özbegistan Respublikasynyň energetika ministri Ž.Mirzamahmudowyň ýolbaşçylygyndaky wekiliýetiň agzalarynyň Aşgabatda geçiren duşuşyklarynda energetika ulgamynda türkmen-özbek hyzmatdaşlygyny ösdürmegiň geljegi ara alnyp maslahatlaşyldy diýip, TDH habar berýär.

Penşenbe güni Aşgabatda ýurdumyza sapar gelen Owganystanyň Magdan we nebit önümleri ministriniň wezipesini ýerine ýetiriji H.Badriniň ýolbaşçylygyndaky wekiliýetiň agzalary bilen birnäçe duşuşyklar geçirildi diýip, TDH habar berýär.