9-njy martda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň geçen iki aýynda ýerine ýetirilen işleriň jemine bagyşlanan hasabat ýygnagy geçirildi. Onda 7-nji martda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň geçen iki aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň nobatdaky mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.

Türkmenistan tebigy gazy ibermek meselesinde ýewropaly hyzmatdaşlar bilen ysnyşykly işleşmäge taýýar diýip, Türkmenistanyň Halk Maslahatynyň Başlygy Gurbanguly Berdimuhamedow “Euronews” teleýaýlymyna söhbetdeşliginde aýtdy.

7-nji martda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda geçen iki aýda ýurdumyzyň ykdysadyýetiniň pudaklarynda alnyp barlan işleriň jemleri jemlenildi, şeýle hem döwlet durmuşyna degişli käbir beýleki meselelere seredildi diýip, TDH habar berýär.

Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow bilen Ýewropa Bileleşiginiň Daşary işler we howpsuzlyk syýasaty boýunça Ýokary wekili, Ýewropa Komissiýasynyň Wise-prezidenti Kaýa Kallasyň arasynda geçirilen telefon arkaly söhbetdeşlikde «Merkezi Aziýa – Ýewropa Bileleşigi» formatynyň çägindäki hyzmatdaşlygy giňeltmäge aýratyn üns berildi diýip, Türkmenistanyň DIM-nde habar berdiler.

Şu ýylyň 23-24-nji aprelinde geçirilmegi meýilleşdirilýän Türkmenistana daşary ýurt maýa goýumlaryny çekmek boýunça Halkara forumy (TEIF 2025) iri halkara guramalarynyň we hökümetara düzümleriniň wekilleriniň hem-de ýolbaşçylarynyň ünsüni özüne çekýär.

Prezident Serdar Berdimuhamedow 5-nji martda Yrak Respublikasynyň Premýer-ministri Mohammed Şiýa Al Sudani bilen geçiren telefon arkaly söhbetdeşliginde türkmen tebigy gazyny Yraga ibermek meselelerini maslahatlaşdy diýip, TDH habar berýär.

Türkmen Energiýa Forumyň (TEF) wekilleri 24-27-nji fewral aralygynda London şäherinde geçirilen “Platts London Energy Forum 2025” we “London Energy Week” atly halkara energetika forumlaryna işjeň gatnaşdylar. “Platts London Energy Forum 2025” atly forumyň esasy temasy energiýa bazarlarynyň häzirki seljermesine we adaty energiýa çeşmeleriniň geljegiň energiýasy bilen birleşmegine gönükdirildi. Innowasion pikirleri, aragatnaşyk mümkinçilikleri şeýle-de möhüm meseleler we geljegiň energiýa meýdançasyny emele getirýän täze tendensiýalar ara alnyp maslahatlaşyldy.

2025-nji ýylyň 23–24-nji aprelinde Malaýziýanyň Kuala-Lumpur şäherinde Türkmenistanyň ykdysadyýetine daşary ýurt maýa goýumlaryny çekmek boýunça geçiriljek halkara forum (TEIF 2025) strategiki media giňişligiň üsti bilen Türkmenistanyň ykdysady mümkinçilikleriniň dünýä derejesinde artdyrylmagyna giň ýol açar.

4-nji martda Türkmenistanyň daşary işler ministri Raşid Meredow bilen Aşgabada sapar bilen gelen Ýewropa Bileleşiginiň Merkezi Aziýa boýunça täze bellenilen Ýörite wekili Eduards Stipraýsyň arasynda geçirilen duşuşykda ÝB bilen hyzmatdaşlyk meselelerini giň toplumy maslahatlaşyldy diýip, türkmen daşary syýasat edarasy habar berýär.

3-nji martda Türkmenistanyň Halk Maslahatynyň Başlygy Gurbanguly Berdimuhamedow bilen Katar Döwletiniň Emiri Şeýh Tamim bin Hamad Al Taniniň arasynda geçirilen telefon arkaly söhbetdeşliginde türkmen-katar söwda-ykdysady gatnaşyklarynyň geljegi maslahatlaşyldy diýip, TDH habar berýär.

«Türkmengaz» döwlet konserniniň Ylmy-barlag tebigy gaz institutynda zähmeti goramak, tehniki howpsuzlyk düzgünleri, ýangyn howpsuzlygynyň kadalary bilen bagly maslahat geçirildi. Oňa «Türkmengaz» DK-nyň önümçilik düzümlerinden zähmet howpsuzlygynyň jogapkär işgärleri we hünärmenleri gatnaşdylar.

«Türkmengaz» DK-nyň Ylmy-barlag tebigy gaz institutynda 2025-nji Halkara parahatçylyk we ynanyşmak ýylynyň şygary, hemişelik Bitaraplygymyzyň 30 ýyllyk ýubileýi bilen bagly maslahat geçirildi. Oňa «Türkmengaz», «Türkmennebit» döwlet konsernleriniň, «Türkmengeologiýa» DK-nyň önümçilik düzümlerinden işgärler gatnaşdylar.

OPEK 2025-nji ýylyň 23-24-nji aprelinde Malaýziýanyň Kuala-Lumpur şäherinde geçiriljek Türkmenistanyň ykdysadyýetine daşary ýurt maýa goýumlaryny çekmek boýunça halkara forumyna (TEIF 2025) möhüm goşant goşar.

Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.

Merkezi Aziýa ýurtlarynyň arasynda Türkmenistan Birleşen Arap Emirliklerinden göni daşary ýurt maýa goýumlaryny iň köp özüne çekýän ýurtdur. BAE-niň bu sebite umumy maýa goýumlarynyň 65,4%-i Türkmenistana degişli bolup durýar, bu bolsa ABŞ-nyň 8 milliard dollaryna deňdir. Bu barada Ýewraziýa ösüş banky (ÝÖB) habar berýär.