8-nji sentýabrda Aşgabadyň demirgazygyndaky senagat toplumynyň çäginde kuwwatlylygy bir gije-gündizde 100 tonna çüýşe önümlerini öndürýän täze önümhana açyldy. Açylyş dabarasyna Prezident Serdar Berdimuhamedow gatnaşdy diýip, TDH habar berýär.

Häzirki döwürde energiýa çeşmeleri durmuş-ykdysady ösüşe ýardam bermek bilen birlikde, daşky gurşawyň abadançylygyna-da güýçli täsir edýän şertleriň biridir.

«Türkmengaz» döwlet konserniniň Ylmy-barlag tebigy gaz institutynda (YBTGI) «Ýol hereketiniň howpsuzlygy — ömrümiziň rahatlygy» atly biraýlygyň çäklerinde hukuk goraýjy edaralarynyň, jemgyýetçilik guramalarynyň wekilleriniň gatnaşmagynda nebitgaz toplumynyň işgärleri bilen duşuşyk geçirildi. Oňa nebitgaz toplumynyň önümçilikleriniň zähmet köpçüligi gatnaşdy.

5-nji sentýabrda Prezident Serdar Berdimuhamedow Ýaponiýanyň Halkara hyzmatdaşlyk bankynyň (JBIC) başlygynyň orunbasary Kadzuhiko Amakawany kabul etdi diýip, TDH habar berýär.

Prezident Serdar Berdimuhamedow Türkmenistanyň zähmet bazaryny 2030-njy ýyla çenli ösdürmegiň Konsepsiýasyny, şeýle hem bu Konsepsiýany amala aşyrmak boýunça ýerine ýetirilmeli çäreleriň meýilnamasyny tassyklaýan Karara gol çekdi.

5-nji sentýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.

Halkara gaz bileleşiginiň (IGU) prezidenti Anderea Steger şu ýyl geçiriljek «Türkmenistanyň nebit we gazy – OGT 2025» atly forumda esasy çykyş ediji hökmünde gatnaşjakdygyny tassyklady. Bu barada çäräniň guramaçylary habar berdiler.

Türkmenistanyň Prezidenti Serdar Berdimuhamedow ýertitremeden ejir çeken owgan halkyna ynsanperwerlik kömegini ibermek hakynda Buýruga gol çekdi. Bu barada TDH habar berýär.

3-nji sentýabrda Prezident Serdar Berdimuhamedow Hytaý Halk Respublikasyna saparynyň çäklerinde HHR-iň Başlygy Si Szinpiniň çakylygy boýunça Ikinji jahan urşunda gazanylan ýeňşiň 80 ýyllygynyň hormatyna Pekinde geçirilen dabaraly çärelere gatnaşdy diýip, TDH habar berýär.

Häzirki zaman dünýäsinde «ýaşyl» tehnologiýalaryň we galyndysyz önümçilik konsepsiýasynyň has gymmatly bolýan döwründe bioenergetika birinji oruna çykýar. Bioenergetika — organiki galyndylardan energiýany öndürmek usuly. Bu diňe bir özüni elektrik energiýa we ýylylyk bilen üpjün etmegiň usuly bolman, eýsem, ozal «zibil» bolan zady Türkmenistanyň gülläp ösýän geljegi üçin gymmatly çeşmä öwürmek bilen daşky gurşaw meseleleriniň täsirli çözgüdidir.

Italiýayň Daşary işler ministrliginiň edara binasynda Türkmenistanyň Italiýadaky ilçisi T.Kömekowyň Italiýanyň daşary işler we halkara hyzmatdaşlygy ministriniň orunbasary E.Çiriýelli bilen duşuşygy geçirildi. Bu barada 4-nji sentýabrda Türkmenistanyň DIM-nde habar berdiler.

2025-nji ýylda Türkmenistanyň Maýa goýum forumyny (TIF 2025) geçirmek boýunça guramaçylyk komiteti çäräniň geçiriljek ýerini üýtgetdi. Forum 18–19-njy sentýabrda Hazar deňziniň kenaryndaky Awaza syýahatçylyk zolagynyň maslahatlar merkezinde geçiriler. Bu barada ORIENT habar berýär.

2-nji sentýabrda Hytaý Halk Respublikasynda iş saparynda bolýan Prezident Serdar Berdimuhamedow HHR-iň Başlygy Si Szinpin bilen gepleşikleri geçirip, gaz ulgamynda hyzmatdaşlygyň geljegini maslahatlaşdy diýip, TDH habar berýär.

Prezident Serdar Berdimuhamedow HHR-iň Başlygy Si Szinpini Türkmenistanyň Bitaraplygynyň 30 ýyllygy mynasybetli 12-nji dekabrda Aşgabatda geçiriljek halkara foruma çagyrdy diýip, TDH habar berýär.

1-nji sentýabrda Hytaý Halk Respublikasynda iş saparynda bolýan Prezident Serdar Berdimuhamedow Şanhaý Hyzmatdaşlyk Guramasynyň sammitine gatnaşdy diýip, TDH habar berýär.