Düýn, 5-nji noýabrda Türkmenistanyň nebitgaz toplumynyň merkezi binasynda «Halkyň Arkadagly zamanasy» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.

3-nji noýabrda günüň ikinji ýarymynda Milli Geňeşiň Halk Maslahatynyň Başlygy Gurbanguly Berdimuhamedow Russiýa Federasiýasynyň Prezidenti Wladimir Putin bilen duşuşdy, diýip Türkmenistanyň DIM-niň saýty habar berdi.

Şu ýylyň başyndan bäri Hytaýa gaz iberiji iň iri ýurt Türkmenistandyr diýip, Interfaks agentligi HHR-iň Gümrük boýunça baş administrasiýasynyň maglumatlaryna salgylanyp habar berýär.

Russiýanyň nebitgaz kompaniýalary Azerbaýjanda we Türkmenistanda ösmek üçin mümkinçilik alyp bilerler. Bu barada Abu-Dabide (ADIPEC) Nebitgaz pudagy boýunça Halkara serginiň we maslahatynyň çäklerinde Russiýanyň Senagatçylar we telekeçiler birleşiginiň müdirliginiň agzasy Wagit Alekperow žurnalistlere habar berdi. Bu barada Orient ýazýar.

Çarşenbe güni Türkmenistanyň Daşary işler ministri Raşid Meredow bilen Ykdysady Hyzmatdaşlyk Guramasynyň Baş sekretary Husraw Noziriniň arasynda wideokonferensiýa arkaly geçirilen duşuşykda YHG-nyň Daşary işler ministrleriniň geňeşiniň nobatdaky mejlisine taýýarlyk bilen baglanyşykly meseleler ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.

Çarşenbe güni Gazagystanyň Prezidenti Kasym-Žomart Tokaýew Hazar deňzinde türkmen-gazak döwlet serhediniň geçýän ugruny kesgitlemek we balyk tutulýan zolaklaryň ýanaşyk böleklerinde çäk çekmek hakynda Türkmenistan bilen şertnamany tassyklamak hakynda Kanuna gol çekdi. Ýurtlaryň arasyndaky ylalaşyga 2021-nji ýylyň oktýabr aýynda gol çekilipdi diýip, Gazagystanyň baştutanynyň metbugat gullugy habar berýär.

Napeco türkmen milli nebitgaz kompaniýasy Dubaýda ýerleşen we Hazar deňziniň türkmen kenaryndaky Çeleken käninde iş alyp barýan Dragon Oil kompaniýasy bilen Önümi paýlaşmak hakynda ylalaşykdan 5% paýnama aldy. Bu barada Argus garaşsyz nyrh agentligi habar berdi.

«Hazarüsti gaz geçirijisi gün tertibinden aýrylanok». Bu barada Türkmenistanyň wise-premýeri Şahym Abdrahmanow Abu-Dabide ADIPEC maslahatynda belläp geçdi diýip, Interfaks habar berýär.

Ikitaraplaýyn parlamentara hyzmatdaşlygy mundan beýläk-de pugtalandyrmak şu gün Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň Pakistan Yslam Respublikasynyň Senatynyň Başlygy Muhammad Sadik Sanjrani bilen geçiren telefon arkaly söhbetdeşliginiň barşynda ara alnyp maslahatlaşylan esasy mesele boldy diýip, TDH agentligi habar berýär.

Türkmenistanyň wekiliýeti 31-nji oktýabrda Abu-Dabide (BAE) açylan ADIPEC nebitgaz sergisine we maslahatyna gatnaşýar.

Gazhimiýa senagatynyň kuwwatlyklaryny artdyrmak, tebigy gazy gaýtadan işlemek we öndürilýän önümleriň möçberlerini ýokarlandyrmak häzirki wagtda ýurdumyzyň ýangyç-energetika toplumyny ösdürmegiň ileri tutulýan ugurlary bolup durýar. Bu barada Türkmenistanyň Prezidenti Serdar Berdimuhamedow anna güni Hökümet mejlisiniň barşynda belledi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 37-si hasaba alyndy. Geleşikleriň jemi bahasy ABŞ-nyň 2 million 365 müň dollaryna golaý boldy.

«Türkmennebit» döwlet konserni we Germaniýanyň Hybrid Innovation GmbH kompaniýasy penşenbe güni «Türkmenistanyň nebiti we gazy» halkara forumynyň çäklerinde şertnama baglaşdylar. Enjamlary ibermek boýunça şertnamanyň bahasy 6 mln ýewrodan gowrak boldy.

Penşenbe güni «Türkmenistanyň nebiti we gazy» halkara maslahaty Söwda-senagat edarasynda öz işini dowam etdi. Döwlet düzümleriniň, milli we halkara kompaniýalarynyň, ylmy merkezleriniň we ugurdaş ýokary okuw mekdepleriniň, halkara guramalarynyň we diplomatik wekilhanalarynyň wekilleri, bilermenler we hünärmenler nebitgaz senagatyny ösdürmegiň ileri tutulýan ugurlaryna bagyşlanan plenar mejlislere we sessiýalara işjeň gatnaşýarlar.

OGT—2022 Halkara maslahatynyň çäklerinde TAPI Pipeline Compani Limited kompaniýasynyň ýerine ýetiriji direktory Muhammetnur Amanow Türkmenistan-Owganystan-Pakistan-Hindistan (TOPH) transmilli gaz geçirijisiniň taslamasynyň durmuşa geçirilişi barada habar berdi.