Hormatly Prezidentimiziň tebigy baýlyklarymyzy dünýäniň halklarynyň bähbidine gönükdirmek baradaky ynsanperwer ýörelgesi esasynda bu gün ýurdumyzyň gaz känlerinden çykarylýan tebigy gaz daşary bazarlara-da eksport edilýär. «Türkmengaz» döwlet konserniniň «Marygazçykaryş» müdirliginiň «Üçajy» gaz käniniň hili dünýä ölçeglerine doly laýyk gelýän harytlyk «mawy ýangyjynyň» daşary bazara üznüksiz ugradylýandygy hem aýratyn bellärliklidir.
Çykarylýan tebigy gazy arassalaýan, guradýan hem-de ony ýokary basyşly geçiriji arkaly sarp edijilere ugradýan bu toplumda häzir iki iş çalşygynda gazçy hünärmenleriň, beýleki işgärleriň 100-e golaýy arman-ýadaman zähmet çekýär.
