Hormatly
Prezidentimiziň ak pata bermegi bilen ulanyşa girizilen «Galkynyş» gaz käni
özüniň ätiýaçlyk tebigy gazynyň möçberi boýunça dünýäde öňdäki orunlaryň birini
eýeleýär. Gaz käniniň zähmet adamlarynyň Gahryman
Arkadagymyzyň «mawy ýangyjyň» çykarylyşyny artdyrmak boýunça öňde goýan
wezipelerini ýerine ýetirmek üçin täzeçe gözlegler bilen işlemegi olara bellenilen
meýilnamany aýma-aý üstünlikli berjaý etmäge mümkinçilik berýär. Olar şu ýylyň
geçen ýedi aýy üçin bellenilen tabşyrygy hem üstünlikli berjaý etdiler.
«Galkynyş» gaz käninde her ýylda täze ulanyş guýulary özleşdirilip, işe girizilýär. Munuň özi çykarylýan «mawy ýangyjyň» möçberiniň artdyrylmagyna ýardam berýär.
